جموں و کشمیر: اپنی پارٹی کے یوم تاسیس کے موقع پر پی ڈی پی کے رہنماؤں نے 5 اگست کو ’’یوم سیاہ‘‘ قرار دیا
سرینگر، جولائی 29: پارٹی کی صدر محبوبہ مفتی کے سلاخوں کے پیچھے رہتے ہوئے پیپلز ڈیموکریٹک پارٹی نے منگل کو اپنا 21 واں یوم تاسیس منایا۔
پی ڈی پی کے رہنماؤں کے مشترکہ بیان میں کہا گیا ہے ککہ ’’5 اگست جموں و کشمیر کی آئینی تاریخ میں یوم سیاہ کے طور پر منایا جائے گا، جب پارلیمنٹ اور آئین میں کیے گئے پختہ وعدوں کو ملک کو ایک زعفرانی رنگ میں رنگنے لیے منسوخ کردیا گیا تھا۔ ہم جموں و کشمیر کے لوگوں کے وقار اور عزت کی بحالی کے لیے جدوجہد کرنے کے اپنے عزم کو دہراتے ہیں۔‘‘
اس موقع پر پارٹی کے بانی مفتی محمد سید کو یاد کرتے ہوئے رہنماؤں نے کہا کہ جموں و کشمیر کو غیر یقینی صورت حال، تشدد اور لاقانونیت کے حوصلے سے نکالنے کے خیال سے ہی پارٹی تیار کی گئی ہے۔ انھوں نے کہا ’’ہمارا بنیادی اصول یہ ہے کہ کشمیر، جو ہندوستان اور پاکستان کے مابین تنازعات کی ہڈی ہے، کو تفہیم کے پل میں تبدیل کیا جانا چاہیے۔‘‘
پی ڈی پی نے کہا کہ گذشتہ سال 5 اگست کا فیصلہ 1931 سے 2019 تک کی تاریخ کو مٹانے کی ایک کوشش ہے۔