کورونا وائرس: دہلی کے وزیر اعلیٰ اور لیفٹیننٹ گورنر آج شام 6 بجے ایک مشترکہ پریس کانفرنس سے خطاب کریں گے
نئی دہلی، مارچ 22: دہلی کے وزیر اعلی اروند کیجریوال اور لیفٹیننٹ گورنر انل بیجل آج شام 6 بجے مشترکہ طور پر ایک پریس کانفرنس سے خطاب کرنے جارہے ہیں۔ امکان ہے کہ وہ کرونا وائرس پھیلنے کے پیش نظر کچھ بڑے اقدامات کا اعلان کریں گے۔
وزیر اعظم نریندر مودی کی اپیل پر دہلی سمیت پورے ملک میں آج کورونا وائرس سے لڑنے کے لیے لوگوں نے ’جنتا کرفیو‘ کی پیروی کی اور گھر میں رہے۔ وہیں اتوار کی سہ پہر اس مرض کے تصدیق شدہ مریضوں کی تعداد بڑھ کر 341 ہوگئی۔ آج کے دن تین اموات بھی دیکھنے میں آئیں، جو ملک میں ایک ہی دن میں اس بیماری کے سبب سب سے زیادہ ہلاکتیں ہیں، اسی کے ساتھ اس سے ہلاکتوں کی مکمل تعداد 7 ہو گئی۔
جب کہ وہ 75 اضلاع جہاں کورونا وائرس کے تصدیق شدہ معاملات پائے گئے ہیں، وہ اتوار کے روز مکمل طور پر لاک ڈاؤن کر دیے گئے، ہندوستانی ریلوے نے بھی ملک بھر میں 1000 مسافر ٹرینوں کی خدمات بند کردیں۔
دریں اثنا دہلی میٹرو، جس نے پہلے ہی ’جنتا کرفیو‘ کے پیش نظر اتوار کو اپنی خدمات بند رکھنے کا اعلان کیا تھا، اتوار کی دوپہر اس نے 31 مارچ تک میٹرو خدمات کو مکمل طور پر روکنے کا فیصلہ کیا۔