
امانت: اہم اسلامی قدر اور بیش قیمت سماجی سرمایہ
امانت داری ان چند اہم اقدار، اوصاف اور تعلیمات میں سے ہے جن پر قرآن وسنت نے بہت شدت سے بار بار اورمختلف پہلووں سے اور متعدد اسلوبوں میں زور دیا ہے اور جس کا تعلق انسانی زندگی کے تمام شعبوں سے بہت گہرا ہے چاہے وہ سماجی تعلقات اور معاملات ہوں یا سیاسی اور معاشی مسائل ہوں۔ انگریزی میں عموما اس کا ترجمہ ٹرسٹ سے کیا جاتا ہے اور جدید سماجی وسیاسی علوم میں سماجی ہم آہنگی، سیاسی استحکام اور پرامن سماج کے لیے اس کو ایک لازمی شرط اور ضروری بنیاد کے طور پر دیکھا جاتا ہے۔









