گاندھیائی ادارے کے رسالے میں ساورکر کی مدح سرائی پر تنازعہ

سید خلیق احمد، نئی دلی

نئی دلی ۔ گاندھیائی قائدین، ماہرین تعلیم اور اپوزیشن رہنماؤں نے گاندھی اسمرتی اینڈ گاندھی درشن (جی ایس جی ڈی) کے زیر اہتمام شائع ہونے والے ہندی ماہنامہ ’انتم جان‘ کے جون کے شمارے کو ہندوتوا کے نظریہ ساز ونائکا دامودر ساورکر کے نام وقف کرنے کی شدید مذمت کی ہے۔
جی ایس جی ڈی حکومت ہند کی وزارت ثقافت کی رہنمائی اور مالی مدد کے تحت کام کر رہا ہے جس کی سربراہی وزیر اعظم نریندر مودی کر رہے ہیں۔ بی جے پی کے سینئر لیڈر وجے گوئل اس کے نائب چیئرمین ہیں۔
1984 میں جب سے اس ادارے کا قیام عمل میں آیا، اس کے چیئر پرسن ہمیشہ وزیر اعظم ہی رہے ہیں۔
پی ایم کے تحت، جی ایس جی ڈی کے پاس اپنی سرگرمیوں میں رہنمائی کے لیے گاندھیائی اور کئی سرکاری محکموں کے افسران ہیں۔ ایک خود مختار ادارے کے طور پر، سمیتی کا بنیادی مقصد اس کی ویب سائٹ کے مطابق، ’’مختلف سماجی، تعلیمی اور ثقافتی پروگراموں کے ذریعے مہاتما گاندھی کی زندگی، مشن اور فکر کی ترویج واشاعت کرنا ہے۔‘‘
68 صفحات پر مشتمل میگزین کا ایک تہائی حصہ ساورکر کے لیے وقف مضامین پر مشتمل ہے، وہاں مذہبی رواداری پر گاندھی جی کے کاموں پر مبنی چند مضامین اور ساورکر پر سابق وزیر اعظم اٹل بہار واجپائی کا ایک مضمون ہے۔
میگزین کے پیش لفظ میں گوئل نے ساورکر کو مہاتما گاندھی کی طرح کھڑا کیا ہے۔ ان کا دعویٰ ہے کہ ’’تاریخ میں ساورکر کا مقام اور جدوجہد آزادی میں قد و قامت گاندھی سے کم نہیں۔‘‘
گوئل نے کہا ’’یہ بدقسمتی کی بات ہے کہ ساورکر کو ہندوستان کی تحریک آزادی میں ان کے کردار کے لیے برطانوی حکومت کی طرف سے دو بار عمر قید کی سزا سنانے کے باوجود انہیں کئی سالوں تک قومی آزادی کی تحریک کی تاریخ میں کوئی اہم عہدہ نہیں دیا گیا۔‘‘ تاہم، گوئل ساورکر کی طرف سے دائر کردہ رحم کی درخواستوں اور جیل سے رہائی کے بعد برطانوی حکومت سے ملنے والی پنشن سے محروم رہے ہیں۔
گوئل ساورکر کے دفاع میں کہتے ہیں، ’’یہ واقعی تکلیف دہ ہے کہ جو لوگ ایک دن کے لیے بھی جیل نہیں گئے، کوئی عذاب نہیں سہا اور ملک اور سماج کے لیے کچھ نہیں دیا، وہ ساورکر جیسے محب وطن پر تنقید کر رہے ہیں،‘‘ گوئل ساورکر کے دفاع میں کہتے ہیں، لبرل دانشوروں، بائیں بازو اور بائیں بازو کی طرف جھکاؤ رکھنے والے ماہرین تعلیم کے علاوہ کانگریس اور دیگر اپوزیشن جماعتوں کے حملوں کی زد میں رہے۔
ترقی پر تبصرہ کرتے ہوئے گاندھی پیس فاؤنڈیشن کے چیئرمین کمار پرشانت نے بتایا کہ چونکہ جی ایس جی ڈی کی سربراہی وزیر اعظم کر رہے ہیں، یہ حکومت کا اختیار ہے کہ وہ مواد شائع کرے جسے وہ مناسب سمجھے۔ مسٹر پرشانت نے کہا ’’چونکہ موجودہ حکومت آر ایس ایس اور ساورکر کے ہندوتوا کے نظریے پر یقین رکھتی ہے، اس لیے جی ایس جی ڈی ہندوتوا کے نظریے کے بانی ساورکر پر خاص اشو شائع کرے تو اس پر حیرت نہیں ہونی چاہیے۔‘‘
نیز پی ایم مودی کی زیر قیادت بی جے پی حکومت بھی ہر تاریخی واقعہ کو مسخ کرنے کی کوشش کر رہی ہے لہذا ساورکر پر ایک خصوصی شمارہ شائع کرنا اور ان کے حوالے سے تاریخ کو مسخ کرنا بھی باعث حیرت نہیں ہونا چاہیے۔
تاہم، مسٹر پرشانت نے مہاتما گاندھی اور ساورکر کے مختلف نظریات کی وجہ سے ساورکر کے نام وقف اس خصوصی شمارے کی سختی سے مخالفت کی اور کہا گاندھی اور ساورکر کا موازنہ کرنا بد ترین قسم کی بے ایمانی ہوگی۔ یہ احمقانہ اور طفلانہ ہے‘‘۔ انہوں نے مزید کہا سنگھ پریوار یہ اس لیے کر رہا ہے کیوں کہ جہاں تک تحریک آزادی کا تعلق ہے آر ایس ایس تاریخ سے گم ہے اسی لیے وہ ساورکر کو دھوکے سے گاندھی کے درجے تک پہنچا رہے ہیں۔‘‘ مسٹر پرشانت جو مشہور گاندھیائی اسکالر ہیں، وہ مزید کہتے ہیں ’’جب ایک عدالت نے ساورکر کو بری کر دیا تھا جن پر گاندھی جی کے قتل کی سازش رچنے کا الزام تھا، ساورکر کی موت کے بعد قائم کپور کمیشن نے اس بات کی تصدیق کی کہ قتل کی سازش انہوں نے ہی رچی تھی۔ تاہم کمیشن نے کہا کہ ان کے خلاف نیا فوج داری مقدمہ شروع کرنے کی چنداں ضرورت نہیں ہے کیوں کہ وہ اب مر چکے ہیں۔ لیکن کمیشن کی رپورٹ نے ساورکر کو مہاتما گاندھی کے قتل کے پیچھے ’’اصل منصوبہ ساز‘‘ پایا تھا۔
مسٹر پرشانت نے مطالبہ کیا کہ سپریم کورٹ کپور کمیشن کے نتائج کی بنیاد پر مہاتما گاندھی کے قتل کی دوبارہ تحقیقات کا حکم دے۔ انہوں نے کہا کہ سپریم کورٹ میں دوبارہ تحقیقات کا مطالبہ کرنے والی ایک عرضی دائر کی گئی تھی لیکن مارچ 2018 میں اس وقت کے چیف جسٹس ایس اے بوبڈے کی بنچ نے اس درخواست کو یہ کہتے ہوئے خارج کر دیا تھا کہ ’’یہ فضول کام ہو گا۔‘‘
دی ہندو کے سوالات کا جواب دیتے ہوئے صحافی دھیریندر کے جھا نے بھی سازش کا زاویہ اٹھایا:’’ گاندھی کے قتل کے سازشی زاویے کی صحیح طریقے سے تفتیش نہیں کی گئی۔ گاندھی کے قتل کے پیچھے سازش کی تحقیقات کے لیے کپور کمیشن آف انکوائری بہت بعد میں 1966 میں قائم کی گئی تھی۔ کمیشن نے واضح طور پر کہا کہ ساورکر اور ان کے ماتحت لوگوں کے ایک گروپ نے گاندھی کے قتل کا منصوبہ بنایا تھا۔ قتل کے مقدمے کے دوران ساورکر کو ملنے والے شک کے فائدے کو ساورکر کی مکمل برات کے طور پر نہیں دیکھا جانا چاہیے‘‘۔ خیال رہے کہ جھا ’گاندھیز اساسین: دا میکنگ آف ناتھورام گوڈسے اینڈ ہز آئیڈیا آف انڈیا‘ نامی کتاب کے مصنف ہیں۔
لکھنؤ یونیورسٹی کی سابق وائس چانسلر روپ ریکھا ورما نے اس تبدیلی پر تبصرہ کرتے ہوئے کہا، ’’ساورکر کی تعریف کرنا یا گاندھی اور ساورکر کو ایک ساتھ کھڑا کرنا پوری تحریک آزادی کی توہین ہے۔ یہ ہندوستان کے کردار کو تباہ کرنے کے مترادف ہے جو بہت سی ثقافتوں اور مذاہب کا مجموعہ ہے۔
انہوں نے کہا ’’ساورکر نے دو قومی نظریہ جناح سے بہت پہلے پیش کیا اور قوم کو مذہب کے ساتھ جوڑا تھا۔ ساورکر کی مذہب پر مبنی قوم پرستی ہندوستان کی تحریک آزادی کے اخلاق کے خلاف ہے۔ تحریک آزادی کے دوران کوئی ایک واقعہ بھی ایسا نہیں ملے گا جس میں ہندووں اور مسلمانوں نے مل کر لڑائی نہ لڑی ہو اور اپنا خون نہ بہایا ہو۔
گجرات ودیا پیٹھ کے سابق وائس چانسلر، گاندھی پیس فاؤنڈیشن کے رکن سدرشن آئینگر نے کہا ’’چونکہ جی ایس جی ڈی حکومت پر منحصر ہے، اس لیے اسے برسر اقتدار افراد کے سیاسی نظریے کے مطابق چلایا جائے گا۔ لیکن گاندھی ایک ضرورت ہے۔ اسے کوئی نہیں چھوڑ سکتا۔ گاندھی لوگوں کی نفسیات میں ہیں اور ساورکر یا کسی اور کے ساتھ ان کا موازنہ کرکے ان کی حیثیت کو کم نہیں کیا جا سکتا ‘‘۔ کانگریس لیڈر ادھیر رنجن چودھری نے میڈیا کو بتایا کہ بی جے پی حکومت گاندھی اسمرتی کے ادارے کو تباہ کرنے کی کوشش کر رہی ہے۔
(مضمون نگار ویب پورٹل ’انڈیا ٹو مارو‘ کے ایڈیٹر ہیں)
***

***

ہفت روزہ دعوت، شمارہ  31 جولائی تا 07 اگست 2022