معروف عالم دین اور اسلامی اسکالر مولانا وحیدالدین خان کا انتقال، امیر جماعت اسلامی نے کیا گہرے رنج و غم کا اظہار

نئی دہلی، اپریل 22: جمعرات کے روز معروف اسلامی اسکالر مولانا وحید الدین خان کا کوویڈ 19 کے سبب انتقال ہوگیا۔ ملک کے معروف مذہبی اور سماجی رہنماؤں نے مولانا کی موت پر گہرے رنج و ملال کا اظہار کیا۔

وزیر اعظم نریندر مودی نے بھی مولانا وحید الدین خان کی وفات پر دکھ کا اظہار کیا۔ وزیر اعظم مودی نے اپنے تعزیتی پیغام میں ٹویٹر پر لکھا ’’مولانا وحید الدین خان کے انتقال سے بہت رنجیدہ ہوں۔۔۔۔۔ان کے اہل خانہ اور ان کے ان گنت خیر خواہوں کے لیے تعزیت۔‘‘

96 سالہ عالم دین مولانا وحید الدین خان نے حال ہی میں COVID-19 کا مثبت تجربہ کیا تھا۔

رواں سال جنوری میں ہی حکومت نے مولانا وحیدالدین خان کے لیے ملک کا دوسرے اعلی ترین شہری ایوارڈ پدما وبھوشن کا اعلان کیا تھا۔ انھیں 2000 میں پدم بھوشن سے نوازا گیا تھا۔ ان کے اہل خانہ نے بتایا ہے کہ ان کا انتقال دہلی کے اپولو اسپتال میں ہوا جہاں کورونا وائرس کے انفیکشن کی وجہ سے انھیں 12 اپریل کو داخل کرایا گیا تھا۔

صدر جمہوریہ رام ناتھ کووند نے بھی مولانا کے انتقال پر تعزیت کا اظہار کرتے ہوئے ٹویٹ کیا ’’ممتاز اسلامی اسکالر مولانا وحید الدین خان کے انتقال سے گہرے رنج و غم میں ہوں۔ پدما وبھوشن وصول کرنے والے مولانا وحید الدین نے معاشرے میں امن، ہم آہنگی اور اصلاحات میں نمایاں کردار ادا کیا۔ ان کے اہل خانہ اور خیر خواہوں سے میری گہری تعزیت۔‘‘

Deeply grieved by the demise of renowned Islamic scholar Maulana Wahiduddin Khan. A recipient of Padma Vibhushan, Maulana Wahiduddin made significant contribution to peace, harmony and reforms in the society. My deepest condolences to his family and well-wishers.

— President of India (@rashtrapatibhvn) April 22, 2021

مولانا وحیدالدین خان نہ صرف بلکہ عالمی سطح پر نہایت مقبول تھے اور ان کی خدمات کو ہر جگہ سراہا گیا ہے۔ انھوں نے 200 سے زیادہ کتابیں لکھیں اور عالمی سطح پر ان کتابوں کو مقبولیت حاصل ہوئی۔