این ڈی اے سے اخراج کے بعد اکالی دل کی رہنما ہرسمرت بادل کا کہنا ہے کہ یہ ’’واجپئی کا تصور کردہ اتحاد نہیں‘‘

نئی دہلی، ستمبر 27: شیرومانی اکالی دل کی رہنما اور سابق مرکزی وزیر ہرسمرت کور بادل نے ہفتہ کے روز کہا کہ این ڈی اے سابق وزیر اعظم اٹل بہاری واجپائی کی طرف سے تصور کیا گیا اتحاد نہیں رہا۔

ان کی یہ رائے حالیہ زراعت بلوں پر اختلافات کے درمیان اکالی دل کے بی جے پی سے الگ ہونے کے بعد سامنے آئی ہے۔

ہرسمرت نے ٹویٹ کر کہا ’’اگر 3 کروڑ پنجابیوں کا درد اور احتجاج حکومت ہند کے سخت موقف کو پگھلانے میں ناکام ہو جاتا ہے تو اب یہ واجپائی جی اور بادل صاب [پرکاش سنگھ بادل] کا تصور کردہ این ڈی اے نہیں ہے۔‘‘

انھوں نے مزید کہا کہ ’’ایسا اتحاد جو اپنے قدیم ترین حلیف کے لیے بہرا ہو جائے اور قوم کو کھانا کھلانے والوں کے مسائل سے آنکھیں بند کر لے، وہ اب پنجاب کے مفاد میں نہیں ہے۔‘‘

If Pain & Protests of 3 cr punjabis fail to melt the rigid stance of GoI, it’s no longer the #NDA envisioned by Vajpayee ji & Badal sahab. An alliance that turns a deaf ear to its oldest ally & a blind eye to pleas of those who feed the nation is no longer in the interest of Pb. https://t.co/OqU6at00Jx

— Harsimrat Kaur Badal (@HarsimratBadal_) September 26, 2020

بھارتیہ جنتا پارٹی کے قدیم ترین حلیفوں میں سے ایک شیرامانی اکالی دل نے ہفتے کے روز این ڈی سے اپنا اتحاد توڑ دیا۔

اس سے قبل ہرسمرت کور بادل نے 18 ستمبر کو بلوں کے خلاف احتجاج کرتے ہوئے مرکزی وزیر کی حیثیت سے استعفیٰ دے دیا تھا۔

اکالی دل کے صدر سکھبیر سنگھ بادل نے کہا کہ پارٹی نے مرکز کی ’’ایم ایس پی پر کسانوں کی فصلوں کی یقین دہانی کی قانون سازی کرنے سے انکار کی ضد کی وجہ سے ہم نے این ڈی اے چھوڑ دیا ہے۔‘‘