مختصر مختصر: دشا روی نے عدالت میں کہا کہ کسانوں کے بحران کو اجاگر کرنا ’’بغاوت‘‘ نہیں ہے، مہاراشٹر کے کچھ حصوں میں لاک ڈاؤن نافذ، دیگر اہم خبریں
- عدالت نے دہلی پولیس سے پوچھا کہ دشا روی اور یوم جمہوریہ کو ہوئے تشدد کے مابین روابط ظاہر کرنے کے ثبوت کہاں ہیں؟ کارکن نے استدلال کیا کہ ’’ٹول کٹ‘‘ محض ایک وسائل کی دستاویز ہے اور اس میں بغاوت جیسا کچھ نہیں۔
- کرناٹک نے مہاراشٹر سے آنے والے لوگوں کے لیے منفی کوویڈ 19 کی رپورٹ کو لازمی قرار دے دیا ہے۔ ہندوستان میں کورونا وائرس کے 13،993 نئے واقعات درج ہوئے اور 101 اموات ہوئیں۔ مہاراشٹر کے کچھ حصوں میں لاک ڈاؤن نافذ کیا گیا۔ دریں اثنا ایک ریسرچ کے مطابق آکسفورڈ ویکسین دوسری خوراک سے پہلے 3 ماہ کے وقفے کے ساتھ زیادہ موثر ہے۔
- پنجاب کے وزیر اعلیٰ امریندر سنگھ نے نیتی آیوگ اجلاس میں سینٹر سے کہا کہ زرعی قوانین مخالف احتجاج کے فوری حل کو یقینی بنائیں۔ وہیں وزیر اعظم نریندر مودی نے کہا کہ حکومتی پالیسیوں کا مقصد پیداواری کی صلاحیت کو بڑھانا اور زراعت کے شعبے میں درآمدات کو کم کرنا ہے۔
- نرملا سیتارمن نے ایندھن کی بڑھتی قیمتوں کو ’’خوفناک‘‘ معاملہ قرار دیتے ہوئے کہا کہ قیمتوں میں کمی کے سوا اور کوئی جواب نہیں دیا جا سکتا۔ وزیر خزانہ نے ہندوستان انک پر زور دیا کہ وہ ’’جانوروں کے سے جنون‘‘ کے ساتھ نئی سرمایہ کاریاں کرے تا کہ ہندوستان کو دنیا کی تیزرفتار ترقی پذیر معیشت بنایا جاسکے۔
- پرینکا گاندھی نے اترپردیش کے مظفرنگر میں کسان پنچایت سے خطاب کرتے ہوئے کہا کہ مودی سرکار کمزور ہے اور وہ پیچھے ہٹیں گے۔ دریں اثنا راجیہ سبھا میں حزب اختلاف کے نئے رہنما ملیکارجن کھڑگے نے کہا کہ حکومت کی پالیسیوں سے صرف اختلاف کرنا ہی ان کا کام نہیں۔
- ناسا کے مریخ مشن کے روور پرسورینس نے ’’سیلفی‘‘ بھیجی۔ روور نے جمعہ کے روز سیارے کی پہلی رنگین تصاویر بھی ارسال کیں۔
- جلد ہی بی جے پی میں شامل ہونے والے میٹرو مین نے کہا کہ بی جے پی فرقہ وارانہ ذہنیت کی نہیں ہے۔ ہندوؤں اور عیسائیوں کو ’’لو جہاد‘‘ کے ذریعے دھوکا دیا جارہا ہے۔ سریدھرن نے گائے کے گوشت کی کھپت سمیت متعدد معاملات پر پارٹی کے موقف کی حمایت کی۔
- مغربی بنگال میں بی جے پی کی نوجوان لیڈر اور اس کے ساتھی کوکین لے جانے کے الزام میں کولکاتا میں گرفتار کیا گیا۔ پولیس اس بات کی تحقیقات کر رہی ہے کہ آیا گرفتار بی جے پی رہنما پامیلا گوسوامی منشیات کے کسی بڑے ریکیٹ کا حصہ ہے۔