نئی دہلی، اپریل 19: بدھ کو اقوام متحدہ کے پاپولیشن فنڈ کی طرف سے شائع ہونے والی ایک رپورٹ میں کہا گیا ہے کہ بھارت چین کو پیچھے چھوڑ کر سب سے زیادہ آبادی والا ملک بن گیا ہے۔
رپورٹ میں کہا گیا ہے کہ ہندوستان کی آبادی میں گذشتہ سال 2.2 کروڑ یعنی 1.56 فیصد اضافہ ہوا ہے اور اس کی آبادی کا تخمینہ 142.86 کروڑ ہے۔ اقوام متحدہ کے ادارے کے مطابق چین کی آبادی 2021 میں 144.85 کروڑ سے کم ہو کر 2022 میں 142.57 ہو گئی ہے۔
اسٹیٹ آف ورلڈ پاپولیشن کی رپورٹ کے مطابق ہندوستان کی 68 فیصد آبادی 15 سال سے 64 سال کے درمیان اور 26 فیصد آبادی کی عمر 10 سے 24 سال کے درمیان ہے۔ اقوام متحدہ کی ایجنسی نے اپنی گذشتہ سال کی رپورٹ میں ہندوستان کی آبادی 140.66 کروڑ بتائی تھی۔ سرکاری طور پر بھارت نے آخری بار 2011 میں مردم شماری کی تھی۔
1978 سے ہر سال شائع ہونے والی رپورٹ میں یہ بھی کہا گیا ہے کہ ہندوستانی مردوں کی اوسط عمر 71 سال اور خواتین کی 74 سال ہے۔
ہندوستان کی کل زرخیزی کی شرح کا تخمینہ 2.0 لگایا گیا تھا۔
UNFPA انڈیا کے نمائندے اور بھوٹان کے کنٹری ڈائریکٹر اینڈریا ووجنار نے کہا کہ ہندوستان اپنے 25.4 کروڑ نوجوانوں (15-24 سال کے درمیان) کے ساتھ اختراعات، نئی سوچ اور دیرپا حل کا ذریعہ بن سکتا ہے۔