مختصر مختصر: عالمی ادارۂ صحت نے تسلیم کیا کہ ’’ہوا کے ذریعے کورونا وائرس کے پھیلاؤ کے ثبوت سامنے آ رہے ہیں‘‘، دیگر اہم خبریں
- آج صبح تک گذشتہ 24 گھنٹوں میں کورونا وائرس کے 22،752 نئے معاملات کے ساتھ ہندوستان میں مجموعی طور پر کورونا وائرس سے متاثر ہونے والوں کی تعداد 7،42،417 ہوگئی۔ وہیں 482 مزید اموات کے ساتھ ہلاکتوں کی تعداد 20،642 تک جا پہنچی ہے۔ دریں اثنا 56 لاکھ سے زیادہ افراد صحت یاب بھی ہوئے ہیں۔
- عالمی ادارۂ صحت نے منگل کے روز پہلی بار اعتراف کیا ہے کہ اس بات کے ثبوت سامنے آ رہے ہیں کہ کورونا وائرس کی ترسیل ’’ہوا‘‘ سے بھی ہو رہی ہے۔ ڈبلیو ایچ او کا یہ اعتراف اس وقت سامنے آیا جب 239 سائنس دانوں نے ایک کھلا خط لکھا ہے جس میں یہ دعوی کیا گیا ہے کہ ہوا کے ذریعے بھی یہ وائرس پھیل سکتا ہے۔
- دہلی کے وزیر اعلی اروند کیجریوال نے سکریٹری صحت سے گذشتہ دو ہفتوں میں دارالحکومت میں ہونے والی تمام کوویڈ 19 ہلاکتوں کے عوامل کے بارے میں تفصیلی تجزیہ شیئر کرنے کو کہا۔
- جھارکھنڈ مکتی مورچہ کے دو اراکین اسمبلی نے، جن میں سے ایک ہیمنت سورین کی کابینہ میں وزیر ہیں، مثبت تجربہ کیا ہے۔ بتایا جاتا ہے کہ دونوں نے حال ہی میں وزیر اعلی سے ملاقات کی ہے۔ دوسری طرف مہاراشٹر بی جے پی کے ممبر اسمبلی مکتہ تلک نے بھی پونے میں وائرس کا مثبت تجربہ کیا ہے۔
- ہندوستان کے ڈرگ کنٹرولر جنرل نے کوویڈ 19 کے مریضوں کے لیے استعمال ہونے والی دوا ریمدیسویر کی بلیک مارکیٹنگ کے بارے میں خدشات کا اظہار کیا ہے۔
- بہار حکومت نے وینٹیلیٹر سے لیس ایک عارضی اسپتال کو چلانے کے لیے وزیر اعلی نتیش کمار کی سرکاری رہائش گاہ پر پٹنہ میڈیکل کالج اور اسپتال سے ڈاکٹروں کی تین ٹیمیں تعینات کردی ہیں۔ کمار کے قریبی رشتے دار کے کورونا وائرس کا مثبت تجربہ کرنے کے بعد حکومت نے یہ اقدام کیا۔
- امریکہ کے صدر ڈونلڈ ٹرمپ نے دعویٰ کیا ہے کہ ان کے ملک میں وائرس سے اموات کی شرح دس گنا کم ہوئی ہے۔ ان کا یہ دعویٰ ایسے وقت میں ہوا ہے جب امریکہ میں ہلاکتوں کی تعداد ایک لاکھ کا ہندسہ عبور کرچکی ہے۔ امریکہ تقریبا 30 لاکھ معاملات اور 1،31،457 اموات کے ساتھ بدترین متاثر ملک ہے۔
- ٹرمپ انتظامیہ نے باضابطہ طور پر اقوام متحدہ کو مطلع کیا ہے کہ امریکہ عالمی ادارۂ صحت سے دست بردار ہو رہا ہے۔
- برازیل کے صدر جیر بولسنارو نے کورونا وائرس کا مثبت تجربہ کیا ہے۔ بولسنارو نے وبائی امراض کے دوران جسمانی فاصلے کے اصولوں پر عمل نہیں کیا اور مہینوں سے ریلیوں میں شریک ہوتے رہے ہیں۔
- جان ہاپکنز یونی ورسٹی کے مطابق عالمی سطح پر کورونا وائرس کے متاثرین کی تعداد اب 1.18 کروڑ سے زیادہ ہے، جب کہ اموات کی تعداد 5.44 لاکھ سے تجاوز کر گئی ہے۔ اب تک 64 لاکھ سے زیادہ افراد صحت یاب ہوچکے ہیں۔