دہلی تشدد میں 19 مساجد کو نقصان پہنچا، مرمت کا کام شروع کرنے جارہے ہیں: چیئرمین دہلی وقف بورڈ
نئی دہلی، مارچ 06- دہلی وقف بورڈ کے چیئرمین اور عام آدمی پارٹی کے ایم ایل اے امانت اللہ خان نے جمعرات کے روز کہا کہ شمال مشرقی دہلی کے متعدد حصوں میں تشدد کے دوران 19 مساجد کو نشانہ بنایا گیا تھا۔
انھوں نے اعلان کیا کہ وقف بورڈ ان تمام مساجد کی مرمت کا خرچہ برداشت کرے گا۔ جناب خان نے جمعرات کے روز 5 لاکھ روپے پیشگی کے طور پر وقف بورڈ کی مسجد کمیٹی کے سربراہ کے حوالے کردیے تاکہ مرمت کا کام شروع کیا جاسکے۔
انھوں نے ٹویٹ کیا ’’دہلی فساد میں 19 مساجد، جنھیں جلایا اور منہدم کیا گیا تھا انشاء اللہ کل سے دہلی وقف بورڈ کی مسجد کمیٹی ان تمام مساجد میں پوری طرح مرمت کا کام شروع کرنے جارہی ہے۔ آج دہلی وقف بورڈ نے ایڈوانس کے طور پر کمیٹی کو 5 لاکھ روپے دے دیے ہیں۔‘‘
दिल्ली फ़साद में 19 मस्जिदें जिन्हें जलाया और तोड़ा गया था इंशाअल्लाह कल से दिल्ली वक़्फ़ बोर्ड की मस्जिद कमेटी उन सभी मस्जिदों में पूरी तरह से रिपेयरिंग का काम शुरू करने जा रही है। आज कमेटी को 5 लाख रुपये दिल्ली वक़्फ़ बोर्ड ने एडवांस के तौर पर दे दिए हैं। pic.twitter.com/hIbiwZPMtj
— Amanatullah Khan AAP (@KhanAmanatullah) March 5, 2020
یہ تشدد 23 فروری کو شمال مشرقی دہلی میں سی اے اے کے حامی اور مخالف مظاہرین کے مابین جھڑپوں کے بعد شروع ہوا تھا لیکن اگلے دو دن تک وہ مکمل فرقہ وارانہ تشدد میں بدل گیا، جس میں 50 سے زیادہ افراد ہلاک اور 300 سے زیادہ زخمی ہوگئے۔ ایک ہزار کے قریب گھر، دکانیں اور گاڑیاں بھی فسادیوں نے لوٹ لی اور نذر آتش کر دیں۔