نئی دہلی، 10 مارچ— کانگریس کے باغی رہنما جیوترادتیہ سندھیا نے پارٹی کی بنیادی رکنیت سے استعفی دے دیا ہے۔
انھوں نے اس سلسلے میں کانگریس کی عبوری صدر سونیا گاندھی کو ایک خط بھیجا ہے۔
پارٹی چھوڑنے کی وجوہات کے بارے میں سندیا نے کہا کہ وہ اب کانگریس پارٹی میں عوام اور ملک کی خدمت کرنے کے قابل نہیں رہے جو ان کا بنیادی مقصد ہے۔
تاہم انھوں نے پارٹی میں شامل ہونے کے بعد گذشتہ 18 سالوں سے مدھیہ پردیش اور ملک کی خدمت کے لیے ایک پلیٹ فارم مہیا کرنے پر پارٹی میں کانگریس کی قیادت اور ان کے ساتھیوں کا شکریہ ادا کیا ہے۔
— Jyotiraditya M. Scindia (@JM_Scindia) March 10, 2020
منگل کی صبح سندیا نے وزیر داخلہ امت شاہ کی موجودگی میں وزیر اعظم نریندر مودی سے ملاقات کی۔
سندیا کیمپ میں موجود کانگریس کے 17 ارکان اسمبلی نے ریاستی اسمبلی سے اپنا استعفیٰ اسمبلی اسپیکر کو پیش کرنے والے ہیں جو کمل ناتھ کی سربراہی میں کانگریس حکومت کو اقلیت میں تبدیل کردیں گے۔
سابق وزیر اعلی اور بی جے پی رہنما شیو راج سنگھ چوہان کے بی جے پی کی جانب سے حکومت بنانے کے دعوے کا امکان ہے۔