بی جے پی کے ’’نفرت سے بھری ہوئی قوم پرستی‘‘ کی ’’ٹھوس کامیابی‘‘: راہل گاندھی نے ہندوستانی معیشت کے تعلق سے آئی ایم ایف کی رپورٹ کا حوالہ دیتے ہوئے حکومت پر سادھا نشانہ
نئی دہلی، 14 اکتوبر: کانگریس کے رہنما راہل گاندھی نے آئی ایم ایف کی طرف سے پیش کی گئی شرح نمو پر حکومت کو تنقید کا نشانہ بنایا، جس سے ظاہر ہوتا ہے کہ رواں سال فی کس جی ڈی پی کے لحاظ سے بنگلہ دیش ہندوستان سے آگے نکل رہا ہے۔
گاندھی نے اسے بی جے پی کے ذریعے چھ سالوں سے نفرت انگیز قوم پرستی کی ’’ٹھوس کامیابی‘‘ قرار دیا۔
گاندھی نے بین الاقوامی مالیاتی فنڈ کی عالمی معاشی آؤٹ لک کی رپورٹ کا حوالہ دیتے ہوئے ایک گراف شیئر کیا جس میں دیکھا جا سکتا ہے کہ اس سال بنگلہ دیش فی کس جی ڈی پی کی شرح میں ہندستان کے قریب پہنچ گیا ہے۔
گاندھی نے ٹویٹ کیا ’’بی جے پی کی نفرت سے بھرے ہوئی ثقافتی قوم پرستی کے 6 سال کی ٹھوس کامیابی: بنگلہ دیش ہندوستان کو پیچھے چھوڑنے کے لیے تیار ہے۔‘‘
Solid achievement of 6 years of BJP’s hate-filled cultural nationalism:
Bangladesh set to overtake India.
👏👏👏 pic.twitter.com/waOdsLNUVg
— Rahul Gandhi (@RahulGandhi) October 14, 2020
واضح رہے کہ آئی ایم ایف نے منگل کے روز کہا کہ ہندوستانی معیشت، جو کورونا وائرس وبائی بیماری سے شدید متاثر ہے، اس سال 10.3 فیصد کے بڑے پیمانے پر نیچے گر سکتی ہے۔
تاہم امکان ہے کہ 2021 میں ہندوستان 8.8 فیصد کی شرح نمو کے ساتھ اس بحران سے باہر نکلے گا، جس سے اسے تیزی سے ابھرتی ہوئی ابھرتی ہوئی معیشت کی پوزیشن حاصل ہوجائے گی، جو چین کی متوقع نمو کی شرح 8.2 فیصد کو پیچھے چھوڑ دے گا۔