مختصر مختصر: ملک میں اومیکرون کے کیسز کی تعداد 100 کے پار، مرکزی حکومت نے شہریوں کو احتیاط کا مشورہ دیا، دیگر اہم خبریں
- اومیکرون کے مختلف معاملات میں اضافے کے درمیان مرکز نے شہریوں کو مشورہ دیا ہے کہ وہ غیر ضروری سفر اور بڑے پیمانے پر اجتماعات سے گریز کریں۔ دریں اثنا ڈبلیو ایچ او نے سیرم انسٹی ٹیوٹ کی کووو ویکس ویکسین کے ہنگامی استعمال کو منظوری دے دی۔
- کیپٹن امریندر سنگھ نے پنجاب اسمبلی انتخابات کے لیے بی جے پی کے ساتھ اتحاد کا اعلان کیا۔ انھوں نے کہا کہ سیٹوں کی تقسیم کا فیصلہ امیدوار کے جیتنے کے امکانات کی بنیاد پر کیا جائے گا۔
- نئے تجزیے سے پتا چلا ہے کہ بھیما کوریگاؤں کیس میں ملزم رونا ولسن کا فون پیگاسس سے متاثر تھا۔ ایمنسٹی انٹرنیشنل کی سیکیورٹی لیب نے اس بات کی تصدیق کی کہ کارکن کے فون سے پہلی بار جولائی 2017 میں اسپائی ویئر کا استعمال ہوا تھا۔
- ایمیزون پر ہندوستان کے عدم اعتماد کے ریگولیٹر کے ذریعہ 200 کروڑ روپے کا جرمانہ، فیوچر کوپنز کے ساتھ اس کا سودا معطل: ہندوستان کے مسابقتی کمیشن نے کہا کہ ایمیزون نے معاہدے کی منظوری کے لیے درخواست دیتے وقت ’’جھوٹے اور غلط بیانات‘‘ دیے تھے۔
- سپریم کورٹ نے ہائی کورٹ سے دہلی فسادات کے معاملے میں انوراگ ٹھاکر، کپل مشرا کے خلاف ایف آئی آر کی درخواست پر فیصلہ کرنے کو کہا۔ دہلی ہائی کورٹ کو اس معاملے میں تین ماہ کے اندر فیصلہ کرنے کو کہا گیا کہ آیا مبینہ طور پر نفرت انگیز تقاریر کرنے کے الزام میں بی جے پی کے چار رہنماؤں کے خلاف مقدمات درج کیے جائیں یا نہیں۔
- رپورٹ کے مطابق الیکشن کمیشن کے سربراہ اور دو کمشنروں نے وزیر اعظم کے ساتھ ’’غیر رسمی بات چیت‘‘ میں شرکت کی۔ معلوم ہو کہ پول پینل ایک آئینی ادارہ ہے جو آزادانہ طور پر کام کرتا ہے اور اس کے کمشنروں کا حکومت سے دوری برقرار رکھنا ضروری ہے۔
- دہلی کے اسکول آج سے چھٹی اور اس سے اوپر کی کلاسوں کے لیے دوبارہ کھلیں گے۔ دہلی ایئر کوالٹی پینل نے کہا ہے کہ کلاس 5 تک کے طلبہ کے لیے فزیکل کلاسز 27 دسمبر سے شروع ہو سکتی ہیں۔
- سپریم کورٹ نے پیگاسس نگرانی کے الزامات کو دیکھنے کے لیے مغربی بنگال کے ذریعہ تشکیل کردہ پینل کی کارروائی پر روک لگا دی۔ چیف جسٹس کی قیادت میں ایک بنچ نے مشاہدہ کیا کہ عدالت نے خود اس معاملے کو دیکھنے کے لیے ایک آزاد کمیٹی تشکیل دی ہے۔
- بھارت صحافیوں کے لیے خطرناک ترین ممالک میں شامل۔ میڈیا واچ ڈاگ رپورٹرز وِدآؤٹ بارڈرز کی رپورٹ میں کہا گیا۔ تنظیم نے کہا کہ 2021 میں 46 صحافی مارے گئے، جن میں سے چار بھارت میں ہلاک ہوئے۔