’دی وائر‘ کے ایڈیٹرز سے ضبط کیے گئے الیکٹرانک ڈیوائسز واپس کیے جائیں، دہلی کی ایک عدالت نے پولیس کو حکم دیا

نئی دہلی، ستمبر 24: دہلی کی ایک عدالت نے ہفتہ کو پولیس کو ہدایت دی کہ وہ اکتوبر میں دی وائر کے ایڈیٹرز سے ضبط کیے گئے الیکٹرانک ڈیوائسز واپس کرے۔

پولیس نے نیوز ویب سائٹ کے دفتر اور اس کے چار ایڈیٹرز سدھارتھ وردھاراجن، ایم کے وینو، سدھارتھ بھاٹیہ اور جھانوی سین کے گھروں کی تلاشی کے دوران ان کے الیکٹرانک ڈیوائسز کو ضبط کیا تھا۔

یہ ضبطیاں بھارتیہ جنتا پارٹی کے رہنما امت مالویہ کی طرف سے دائر کی گئی پہلی معلوماتی رپورٹ کی تحقیقات کے حصے کے طور پر کی گئی تھیں، جس نے ایڈیٹرز پر دھوکہ دہی، جعل سازی، ہتک عزت اور مجرمانہ سازش کا الزام لگایا تھا۔

ہفتہ کے روز تیس ہزاری کورٹ کے چیف میٹروپولیٹن مجسٹریٹ سدھارتھا ملک نے نوٹ کیا کہ وہ ڈیوائسز کافی عرصے سے پولیس کے قبضے میں ہیں اور انھیں مزید ان کے پاس رکھنے کی کوئی معقول وجہ نہیں ہے۔

عدالت نے مزید کہا کہ ڈیوائسز کی عکسی تصاویر فارنسک سائنس لیب میں دستیاب ہوں گی اور پولیس کو 15 دن کے اندر ان ڈیوائسز کو واپس کرنے کا حکم دیا ہے۔