’’دی کشمیر فائلز‘‘ کے پیش نظر دہلی پولیس نے اپنے اہلکاروں سے ’’مخلوط آبادی والے علاقوں‘‘ میں سیکورٹی بڑھانے کو کہا

احوالِ وطن

نئی دہلی، مارچ 17: پی ٹی آئی کی خبر کے مطابق دہلی پولیس نے اپنے ڈپٹی کمشنروں سے کہا ہے کہ وہ ہندی فلم ’’دی کشمیر فائلز‘‘ کی ریلیز کے پیش نظر شہر کے ’’مخلوط آبادی‘‘ والے علاقوں میں حفاظتی انتظامات تیز کریں۔

یہ فلم 1980 کی دہائی کے آخر اور 1990 کی دہائی کے شروع میں عسکریت پسندی کی وجہ سے سابقہ ​​ریاست سے کشمیری ہندوؤں کے اخراج پر مبنی ہے۔ اس فلم کو حقیقت کے ساتھ چھیڑ چھاڑ اور یک طرفہ پیش کش کے سبب متنازعہ کہا جارہا ہے۔ فلم کے ہدایت کار وویک اگنی ہوتری ہیں اور یہ 11 مارچ کو ریلیز ہوئی تھی۔

14 مارچ کو جاری ایک خط میں دہلی پولیس کی اسپیشل برانچ نے ڈپٹی کمشنروں کو احتیاطی تدابیر اختیار کرنے کی ہدایت کی ہے۔

پی ٹی آئی کے مطابق خط میں کہا گیا ہے کہ ’’مقامی پولیس کی طرف سے پولیس کے مناسب انتظامات بشمول خواتین عملہ، پی سی آر [پولیس کنٹرول روم] اور ٹریفک کی تجویز دی گئی ہے۔ خاص طور پر مخلوط آبادی والے علاقوں میں صورت حال کو حکمت سے سنبھالنے کے لیے۔‘‘

انڈین ایکسپریس کے مطابق پولیس نے کہا کہ 2020 میں فسادات کے بعد سے دہلی میں فرقہ وارانہ صورت حال اب بھی نازک ہے۔

پولس نے خط میں کہا ’’حالیہ حجاب تنازعہ اور ہریدوار دھرم سنسد میں مسلم کمیونٹی کے خلاف نفرت انگیز تقریروں کی وجہ سے اس بات کو رد نہیں کیا جا سکتا کہ ایک معمولی واقعہ بھی دونوں برادریوں کے درمیان فرقہ وارانہ کشیدگی پیدا کر سکتا ہے اور امن و امان کی صورت حال کو متاثر کر سکتا ہے۔‘‘

پی ٹی آئی کے مطابق دہلی پولیس نے فلم کی ’’حساس نوعیت‘‘ کی وجہ سے ممکنہ فرقہ وارانہ تشدد اور کشیدگی کا خدشہ بھی ظاہر کیا۔

یہ بھی پڑھیں
احوالِ وطن

راجستھان: مساجد اور گرودواروں کو جڑ سے اکھاڑ پھیکنے کی ترغیب دینے والے بی جے پی لیڈر کو پارٹی سے نکالا گیا

احوالِ وطن

ٹائمز ناؤ نوبھارت سے گربا ایونٹس میں مسلم مردوں کی شمولیت سے متعلق اس کے 2022 کے ایک شو کی ویڈیو ہٹانے کو کہا گیا

احوالِ وطن

برقعہ پوش خواتین کے بارے میں سوشل میڈیا پوسٹ کرنے والے بی جے پی لیڈر انل انٹونی کے خلاف کیرالہ میں مقدمہ درج

احوالِ وطن

کیرالہ پولیس نے مرکزی وزیر راجیو چندر شیکھر کے خلاف کوچی میں ہوئے دھماکوں پر فرقہ وارانہ تبصروں کے سبب مقدمہ درج کیا

انڈین ایکسپریس کے مطابق خط میں کہا گیا ہے کہ ’’فلم کشمیری پنڈتوں کی زندگیوں پر مبنی ہے اور مبینہ طور پر سچے واقعات پر مبنی ہے۔ اس میں کشمیری ہندوؤں کے خلاف ہونے والی بربریت کو اس کی بدترین شکل میں دکھایا گیا ہے… یہ دعویٰ کیا گیا ہے کہ اس واقعے کو پیش کرنے میں یک طرفہ نظریہ ممکنہ طور پر کمیونٹیز کے درمیان تشدد کو ہوا دے سکتا ہے۔‘‘

پولیس نے کہا کہ سنیما تھیٹروں میں شائقین کو فلم کی نمائش کے دوران ’’دہشت گردوں اور ہندوستان کے دشمنوں‘‘ کے خلاف نعرے لگاتے سنا گیا ہے۔

بہت سے سوشل میڈیا صارفین نے ایسی ویڈیوز پوسٹ کی ہیں جن میں فلم کے ناظرین کو فلم تھیٹروں میں مسلم مخالف نعرے لگاتے ہوئے دیکھا جا سکتا ہے۔

اس فلم کی وزیر اعظم نریندر مودی اور بھارتیہ جنتا پارٹی کے کئی دیگر سینئر لیڈروں کی طرف سے بھی تشہیر کی گئی ہے۔ بی جے پی کی حکومت والی کئی ریاستوں نے فلم کو ٹیکس فری بھی کر دیا ہے۔

یہ بھِی پڑھیں مزید