نئی دہلی: شہریت ترمیمی قانون کی مخالفت میں آسام میں جاری کشیدگی کے بیچ گوہاٹی ہائی کورٹ نے آسام سرکار کو ہدایت دی ہے کہ وہ موبائل انٹرنیٹ خدمات جمعرات کو شام پانچ بجے تک بحال کرے۔ جسٹس منوجیت بھوئیاں اور جسٹس سومتر سیکیا کی بنچ نے صحافی اجیت کمار بھوئیاں اور وکیلوں بونوشری گوگوئی، رندیپ شرما اور دیب کانتا ڈولیے کی جانب سے دائر پی آئی ایل پرسماعت کرتے ہوئے ریاستی حکومت کو یہ ہدایت دی۔
یہ بھی پڑھیں
شہریت قانون کی مخالفت میں ہوئے مظاہروں کے متشدد ہونے کے بعد 11 دسمبر کی شام آسام میں موبائل اور براڈ بینڈ انٹرنیٹ خدمات بندکر دی گئی تھیں۔مظاہرے میں اب تک پانچ لوگ اپنی جان گنوا چکے ہیں۔آسام میں براڈ بینڈ خدمات پہلے ہی بحال کر دی گئی ہیں۔
(ایجنسیاں)