وزیر اعلیٰ پنجاب کا کہنا ہے کہ وہ ’’کسان مخالف‘‘ قوانین کے خلاف عدالت میں جائیں گے

پنجاب، ستمبر 21: پنجاب کے وزیر اعلی امریندر سنگھ نے کہا کہ ان کی حکومت بی جے پی اور اس کے حلیفوں بشمول شیرومانی اکالی دل کے خلاف ’’غیر آئینی، غیر جمہوری اور کسان مخالف قوانین‘‘ کو لے کر عدالت کا رخ کرے گی۔

واضح رہے کہ ان بلوں نے پنجاب میں بڑے پیمانے پر کسانوں کے احتجاج کو جنم دیا ہے۔

نیوز ایجنسی کے ذریعہ ان کا یہ بیان نقل کیا گیا ہے کہ ’’ہم عدالت سے رجوع کریں گے اور صدارتی منظوری ملتے ہی اس کے مخالف سخت قانون سازی کریں گے۔‘‘

وزیراعلیٰ پنجاب نے مزید کہا کہ جس طرح مرکز نے پارلیمنٹ کے ایوان بالا کے ذریعہ بلوں کو پاس کیا ہے اس سے وہ حیران رہ گئے ہیں۔