دہلی تشدد: تمام برادریوں کے تباہ شدہ گھروں اور دکانوں کی مرمت کرے گا دہلی وقف بورڈ، 50 لاکھ روپے جاری کیے
نئی دہلی، مارچ 07- دہلی وقف بورڈ نے گذشتہ ماہ شمال مشرقی دہلی میں تین روزہ طویل تشدد کے دوران تباہ ہونے والی تمام دکانوں اور مکانات کی مرمت کا اعلان کیا ہے۔ دہلی وقف بورڈ کے چیئرمین اور ایم ایل اے امانت اللہ خان نے مرمت کا کام شروع کرنے کے لیے جمعہ کو 50 لاکھ روپے جاری کیے۔
خان نے ہندی میں جمعہ کی رات ٹویٹ کیا ’’دہلی وقف بورڈ کی تعمیراتی کمیٹی آتش زدہ اور تباہ شدہ دکانوں اور مکانات کی مکمل مرمت کا کام شروع کرے گی، چاہے ان کے مالکان کسی بھی مذہب سے تعلق رکھتے ہوں۔ کام شروع کرنے کے لیے آج میں نے کمیٹی کو 50 لاکھ روپے دیے ہیں۔‘‘
दिल्ली में हुए फ़साद में जिन लोगों की दुकान और मकान जला दिए गए वो किसी भी मज़हब से हों उनको पूरी तरह से रिपेयर करने का काम दिल्ली वक़्फ़ बोर्ड की कंस्ट्रक्शन कमेटी कल से शुरू कर देगी इस कमेटी को मैंने काम शरू करने के लिए 50 लाख रुपये आज दे दिए हैं। pic.twitter.com/xoudgQcV9f
— Amanatullah Khan AAP (@KhanAmanatullah) March 6, 2020
واضح رہے کہ 23 اور 25 فروری کے درمیان ہونے والے تشدد میں سینکڑوں مکانات اور دکانوں میں لوٹ مار کی گئی اور مشتعل افراد نے بھی انھیں نذر آتش بھی کیا۔ سینکڑوں گاڑیاں بھی نذر آتش ہوگئیں۔