جموں و کشمیر: ترال میں مسلمان پڑوسی کشمیری پنڈت کی آخری رسومات ادا کرنے میں مدد کے لیے آگے آئے
سرینگر, مئی 23: جنوبی کشمیر کے ترال علاقے میں مسلم پڑوسیوں نے ہفتے کے روز ایک بزرگ کشمیری پنڈت کی آخری رسومات ادا کرنے میں مدد کی۔
تفصیلات کے مطابق جیسے ہی ہفتہ کے روز ترال میں 95 سالہ جگن ناتھ بھٹ کی موت کی خبر پھیلی، مسلم برادری کے افراد ان کی آخری رسومات ادا کرنے میں مدد کے لیے اکٹھے ہوگئے۔
یہ بھی پڑھیں
لواحقین کے ساتھ تعزیت کے اظہار کے لیے بھی بہت سارے مسلمانوں نے متوفی کے گھر کا دورہ کیا۔
کشمیری پنڈتوں کے ساتھ مسلمانوں کی یہ ہمدردی ایسے وقت میں ان کی انسانیت نوازی کی مثال بن کر سامنے آئی ہے، جب ملک کے کئی حصوں میں مسلمانوں کو تعصب اور نفرت کا نشانہ بنایا جا رہا ہے۔