سرینگر، فروری 9: پارلیمنٹ حملے کے مجرم محمد افضل گرو کی ساتویں برسی کے موقع پر امن و امان میں کسی بھی پریشانی کو روکنے کے لیے احتیاطی اقدام کے طور پر اتوار کے روز پورے کشمیر میں انٹرنیٹ خدمات معطل کردی گئیں۔
یہ بھی پڑھیں
جموں و کشمیر حکومت نے 25 جنوری سے کم رفتار 2 جی موبائل انٹرنیٹ نیٹ ورک کو بحال کیا تھا، تاہم سوشل میڈیا پر پابندی عائد تھی اور صرف وائٹ لسٹ ویب سائٹوں تک رسائی کی اجازت تھی۔
اتوار کے روز حکام نے احتیاطی اقدام کے طور پر افواہوں اور احتجاج کو روکنے کے لیے انٹر نیٹ معطل کر دیا۔ تاہم شام تک 2 جی انٹرنیٹ کو تمام نیٹ ورکس پر بحال کردیا گیا۔