نئی دہلی، دسمبر 1: پاکستان میں اورکزئی قبائلی علاقےمیں واقع کوئلہ کے ایک کان میں دھماکےکی وجہ سے نو مزدور ہلاک اور چار زخمی ہو گئے۔
اورکزئی کے ڈپٹی کمشنر عدنان فرید نے بتایا کہ واقعہ کے وقت کان میں 13 مزدور کام کر رہے تھے۔ دھماکے کے بعد میں اندر پھنس گئے ہیں۔
انہوں نے بتایا کہ ریسکیو حکام، مقامی رضاکاروں اور پولیس نے موقع پر پہنچ کر نو لاشوں کو نکال ہے اور باقی چار افرادکو زندہ سلامت ملبے سے نکال کر کے ڈی اے ڈسٹرکٹ ہیڈ کوارٹر ہسپتال بھیج دیا گیا۔
کوہاٹ کے ڈویژنل کمشنر محمود اسلم وزیر نے واقعے پر دکھ کا اظہار کرتے ہوئے متعلقہ حکام کو زخمیوں کو فوری طبی امداد فراہم کرنے کی ہدایت کی، واقعے کی فوری انکوائری کا حکم دیا اور کنٹریکٹرز کو ان کی حفاظت کو یقینی بنانے کے لیے جدید ترین آلات بھی فراہم کرنے کی ہدایت کی۔ انہوں نے خبردار کیا کہ غفلت برتنے والوں کے خلاف سخت قانونی کارروائی کی جائے گی۔
ان کا کہنا تھا کہ ابتدائی اطلاعات کے مطابق دھماکہ 2500 فٹ کی گہرائی میں ہوا۔
اورکزئی کے ضلعی پولیس سربراہ نذیر خان نے بتایا کہ محکمہ معدنیات کی ایک سرکاری ٹیم نے جائے وقوعہ کا معائنہ کیا اور بتایا کہ دھماکہ کان کے اندر گیس کی چنگاری سے ہوا۔
وزیراعظم محمد شہبازشریف نے واقعہ میں قیمتی جانوں کے نقصان پر گہرے دکھ اور افسوس کا اظہار کیا ہے۔
انہوں نے سوگوار خاندانوں سے تعزیت کا اظہار کرتے ہوئے متعلقہ حکام کو ہدایت کی کہ زخمیوں کو ہر ممکن طبی امداد فراہم کی جائے۔