نئی دہلی، اگست 1: گیانواپی مسجد کیس میں انجمن انتظامیہ مسجد کمیٹی کے پرنسپل ایڈوکیٹ اور سینئر ایڈوکیٹ ابھے ناتھ یادو کا اتوار کی رات دل کا دورہ پڑنے سے انتقال ہوگیا۔
ای ٹی وی انڈیا کی رپورٹ کے مطابق موصولہ اطلاع کے مطابق اتوار کی رات تقریباً 10:30 بجے انھیں بے چینی اور سینے میں درد محسوس ہوا، جس کے بعد اہل خانہ انھیں اسپتال لے گئے۔ جہاں بعد میں ڈاکٹروں نے انھیں مردہ قرار دے دیا۔
یہ بھی پڑھیں
واضح رہے کہ وارانسی کی مختلف عدالتوں میں چل رہے مسلم فریق کے تمام مقدمات میں ابھے ناتھ یادو پورے کیس کو مرکزی وکیل کے طور پر دیکھ رہے تھے۔
وہیں فی الحال ابھے ناتھ گیانواپی شرنگر گوری کیس کا مقدمہ بھی لڑ رہے تھے۔
ایڈوکیٹ کی موت کی وجہ سے عدالت نے گیانواپی کیس کی سماعت کی تاریخ 4 اگست مقرر کی ہے۔