جمعہ کو اسٹینڈ اپ کامیڈین کنال کامرا نے سپریم کورٹ سے متعلق اپنے ’توہین آمیز‘ ٹویٹس یہ کہتے ہوئے کہ انہیں یقین ہے کہ وہ ’’اپنے لیے بولتے ہیں‘‘ واپس لینے یا ان کے لیے معافی مانگنے سے انکار کردیا۔ متعدد افراد نے ان کے خلاف توہین عدالت کی درخواستیں دائر کی ہیں۔
اٹارنی جنرل کے کے وینوگوپال نے عدالت عظمیٰ کو مبینہ طور پر بدنام کرنے کے لئے مزاحیہ اداکار کے خلاف توہین عدالت کی کارروائی شروع کرنے کے لئے اپنی رضامندی دے دی ہے۔اس سے ایک دن قبل عدالت نے خودکشی کے مقدمے میں ریپبلک ٹی وی کے چیف ایڈیٹر ارنب گوسوامی کو ضمانت دی تھی۔ کامرا نے وینگوپال کو مخاطب ایک بیان جاری کیا اور عدالت عالیہ کے ججوں نے ان کے متنازعہ ٹویٹس کا جواز پیش کیا۔
’’میں نے جو بھی ٹویٹ کیا وہ میرے خیال میں سپریم کورٹ آف انڈیا کے پرائم ٹائم کے حق میں جزوی فیصلہ دینے سے تھا۔ میرا نقطہ نظر نہیں بدلا ہے کیونکہ دوسروں کی ذاتی آزادی کے معاملات پر سپریم کورٹ کی خاموشی اسے تنقید سے بالاترنہیں کردیتی۔ میں اپنے ٹویٹس واپس لینا یا ان کے لیے معافی مانگنا نہیں چاہتا۔‘‘
کامرا نے اپنے ٹویٹر ہینڈل پر ایک بیان میں کہا کہ ’’مجھے یقین ہے کہ [سپریم کورٹ کے اقدامات خود ساری] بات عیاں کرتے ہیں۔‘‘ کامرا نے اپنی ٹویٹس میں ترنگے کی جگہ پر بی جے پی کے جھنڈے کے ساتھ سپریم کورٹ کو بھگوا رنگ میں دکھایا تھا اور اس دوران بیٹھے ہوئے جج کے بارے میں نازیبا تبصرے کیے تھے۔ کامرا نے سماجی کارکن اور وکیل پرشانت بھوشن کے خلاف توہین عدالت کی کارروائی کا بھی حوالہ دیا، جنہوں نے اپنے توہین آمیز ٹویٹس پر معافی مانگنے سے انکار کردیا تھا اور انہیں توہین عدالت کا قصوروار ٹھہرایا گیا تھا۔