مختصر اہم خبریں: تلنگانہ کابینہ کا شہریت ترمیمی قانون کے خلاف قرارداد پاس کرنے کا فیصلہ، دیگر اہم خبریں
- ہندوستان نے اقوام متحدہ کے چیف کی طرف سے مسئلۂ کشمیر پر پاکستان کے ساتھ ثالثی کی پیش کش کو مسترد کردیا، کہا کہ ‘تیسری پارٹی کی مداخلت کی کوئی گنجائش نہیں’۔
- جاپان میں کروز جہاز پر سوار دو ہندوستانیوں میں کورونا وائرس کے لیے مثبت جانچ، سب مستحکم حالت میں ہیں: دریں اثنا چین کے ووہان سے نکالے جانے کے بعد قید 406 افراد میں اس وائرس کا منفی تجربہ ہوا ہے اور انھیں پیر کو رہا کیا جاسکتا ہے۔
- تلنگانہ کابینہ کا شہریت ترمیمی قانون کے خلاف قرار داد پاس کرنے کا فیصلہ، مرکز سے ترمیم ختم کرنے کی اپیل: کابینہ نے مرکزی حکومت سے تمام مذاہب کے ساتھ یکساں سلوک کرنے کا مطالبہ کیا۔
- وزیر اعظم نریندر مودی کا کہنا ہے کہ مرکز شہریت ترمیمی قانون اور آرٹیکل 370 سے متعلق فیصلوں کے ساتھ کھڑا رہے گا: انھوں نے کہا کہ فیصلے قوم کے مفاد میں لیے گئے تھے اور حکومت ہر طرف سے دباؤ کے باوجود ان پر قائم رہے گی۔
- رپورٹس کے مطابق شاہ فیصل پر پی ایس اے کے تحت ’نرم علیحدگی پسندی‘ کی حمایت کرنے کا الزام عائد: 90 صفحات پر مشتمل ڈوزیر میں فیصل کی سوشل میڈیا پوسٹس اور اس کی پارٹی اور اس کے ممبروں کے بارے میں تفصیلات شامل ہیں۔
- جامعہ کی سی سی ٹی وی فوٹیج میں 15 دسمبر کو لائبریری میں دہلی پولیس طلبا پر حملہ آور ہوتے دکھائی دیتی ہے: اس حملے میں قانون کا ایک طالب علم اپنی آنکھ کھو بیٹھا تھا۔ لیکن پولیس بار بار اس واقعے کی تردید کرتی رہی ہے۔
- کرناٹک میں 3 کشمیری طلبا پر ’پاکستان نواز‘ ویڈیو کے وائرل ہونے کے بعد ملک پر بغاوت کا الزام عائد کیا گیا: کالج کے پرنسپل نے الزام لگایا کہ انھوں نے پلوامہ دہشت گردانہ حملے کی پہلی برسی کے موقع پر ویڈیو میں’ پاکستان زندہ باد ‘کا نعرہ لگایا۔
- اروند کیجریوال نے تیسری بار دہلی کے وزیر اعلیٰ کا حلف لیا: عام آدمی پارٹی کے سربراہ نے گذشتہ کابینہ میں خدمات انجام دینے والے تمام چھ وزرا کو برقرار رکھا ہے۔