نئی دہلی، جنوری 11: سپریم کورٹ نے آج مرکزی حکومت سے کہا کہ وہ دہلی کے قریب بڑے پیمانے پر کسانوں کے احتجاج کی صورت حال مزید بدتر ہونے کے بعد متنازعہ فارم قوانین کے نفاذ کو روک دے۔
سپریم کورٹ نے حالات کا حوالہ دیتے ہوئے کہا کہ ’’ہمیں بتائیں کہ کیا آپ ان قوانین کو روکیں گے ورنہ ہم یہ کریں گے۔ یہ انانیت کیوں ہے؟‘‘
عدالت نے یہ تبصرہ دہلی کی سرحدوں پر نئے زرعی قوانین کے خلاف احتجاج کر رہے کسانوں کو ہٹانے کے لیے دائر درخواست کی سماعت کے دوران کیے۔
چیف جسٹس آف انڈیا ایس اے بوبڈے نے سخت ریمارکس دیتے ہوئے کہا ’’اگر کچھ بھی غلط ہوتا ہے تو ہم میں سے ہر ایک ذمہ دار ہوگا۔ ہم اپنے ہاتھوں پر کوئی چوٹ یا خون نہیں چاہتے ہیں۔‘‘
اعلی عدالت نے تجویز پیش کی کہ قوانین کا نفاذ روکنے کے بعد بھی احتجاج جاری رہ سکتا ہے ’’لیکن فیصلہ کریں کہ کیا آپ اسی مقام پر احتجاج جاری رکھنا چاہتے ہیں یا کسی اور جگہ جانا چاہتے ہیں۔‘‘
پچھلی سماعت میں سپریم کورٹ نے نوٹ کیا تھا کہ اس معاملے میں کوئی بہتری نہیں ہوئی ہے اور مرکز کی طرف سے بتایا گیا ہے کہ تمام بقیہ معاملات پر حکومت اور کسان یونینوں کے درمیا ’’مثبت بات چیت‘‘ جاری ہے۔
عدالت نے کہا ’’ہم نے آخری سماعت میں سوال کیے تھے، لیکن کوئی جواب نہیں ملا ہے۔ صورت حال ابتر ہوگئی ہے۔ لوگوں نے خودکشی کرلی ہے۔ بوڑھے اور خواتین اس موسم میں کیوں اس احتجاج کا حصہ ہیں؟‘‘
عدالت نے مرکز سے اس معاملے کے حل کے لیے ایک کمیٹی قائم کرنے کی اپیل کی اور مزید کہا ’’اگر حکومت خود سے یہ کام نہیں کررہی ہے تو ہم اس پر عمل درآمد کو روکیں گے۔‘‘
حکومت سے بحث کرتے ہوئے اٹارنی جنرل کے کے وینوگوپال نے کہا: "آپ کمیٹی تشکیل دے سکتے ہیں لیکن قوانین پر قائم نہیں رہنا۔” انہوں نے ماضی کے فیصلوں کا حوالہ دیا جس میں کہا گیا تھا کہ عدالتیں اس کو غیر آئینی حیثیت میں رکھے بغیر قانون نہیں رکھ سکتی۔
حکومت کی طرف پیش ہوتے ہوئے مسٹر وینوگوپال نے یہ اجاگر کرنے کی کوشش کی کہ ’’صرف دو یا تین ریاستوں کے کسان احتجاج کر رہے ہیں‘‘ اور جنوبی یا مغربی ہندوستان کے کسان اس میں شامل نہیں ہیں۔
واضح رہے کہ حکومت نے کسان یونینوں کے ساتھ آٹھ دور کی مذاکرات میں قوانین کو واپس لینے سے انکار کردیا ہے لیکن ترمیم کرنے پر راضی ہے۔
وہیں کسانون کا کہنا ہے کہ وہ قوانین کی منسوخی کے مطالبے سے کم پر راضی نہیں ہیں، جس کے بارے میں انھیں خدشہ ہے کہ یہ قوانین ایم ایس پی کو ختم کرنے کی راہ ہموار کریں گے اور انھیں کارپوریٹ اداروں کے رحم و کرم پر چھوڑ دیا جائے گا۔
حکومت اور کسانوں کے بیچ مذاکرات کا اگلا دور جمعہ کو ہوگا۔