جموں و کشمیر کے تینوں سابق وزراے اعلی کی رہائی پر مقامی انتظامیہ لے گی فیصلہ: امت شاہ

شاہ نے کہا ’’مہربانی کر کے ان کے بیانوں کو دیکھیں جیسے اگر آرٹیکل  370 کو چھوا بھی گیا تو پوراملک جل جائے گا… انھیں سارے بیانوں کو دیکھتے ہوئے کچھ وقت  کے لیے ان کو حراست میں رکھے جانے کا ایک پیشےور فیصلہ لیا گیا۔‘‘

واضح رہے کہ تین سابق وزیراعلیٰ  سمیت جموں وکشمیر میں کئی رہنماؤں  کو دفعہ 370 ختم کرنے کے بعد پانچ اگست کو حراست میں لے لیا گیا تھا۔

امت شاہ نے ان کی رہائی سے متعلق سوال پر کہا ’’جہاں تک ان کی رہائی کے فیصلے کا سوال ہے تو اس پر مقامی انتظامیہ فیصلہ لے گی، میں نہیں۔‘‘

شاہ نے مزید کہا کہ کشمیر گھاٹی میں حالات اب قابو میں ہیں اور روزمرہ کے کام معمول کے مطابق  چل رہے ہیں۔ آج کشمیر میں ایک انچ جگہ بھی کرفیو میں نہیں ہے۔

(ایجنسیاں)