’’بی جے پی اصل ٹکڑے ٹکڑے گینگ ہے‘‘: سکھبیر سنگھ بادل

احوالِ وطنسیاست

نئی دہلی، دسمبر 16: بی جے پی کے سابق اتحادی شیرومانی اکالی دل کے سربراہ سکھبیر سنگھ بادل نے کہا کہ ’’اصل ٹکڑے ٹکڑے گینگ‘‘ بی جے پی پارٹی ہی ہے۔

’’ٹکڑے ٹکڑے گینگ‘‘ ایک اصطلاح ہے، جسے بی جے پی ایسے لوگوں کے لیے استعمال کرتی ہے جو اس کے مطابق ملک میں تفریق پیدا کررہے ہیں۔

بادل نے ٹویٹ کیا ’’بی جے پی ملک میں اصل ٹکڑے ٹکڑے گینگ ہے۔ اس نے قومی اتحاد کو ٹکڑے ٹکڑے کر دیا ہے۔ بے شرمی کے ساتھ ہندوؤں کو مسلمانوں کے خلاف اکسا رہی ہے اور اب وہ پنجابی ہندوؤں کو سکھ بھائیوں خصوصا کسانوں کے خلاف کرنے کے لیے بے چین ہیں۔‘‘

ایس اے ڈی سربراہ نے یہ بھی الزام لگایا کہ بھگوا جماعت ’’محب وطن پنجاب کو فرقہ وارانہ آگ میں دھکیل رہی ہے۔‘‘

واضح رہے کہ بی جے پی کے سب سے قدیم حلیف شیرومانی اکالی دل نے ستمبر میں نئے زرعی قوانین پر بھگوا جماعت کے ساتھ شدید اختلافات کے درمیان این ڈی اے اتحاد توڑ دیا تھا۔ ایس اے ڈی لیڈر ہرسمرت کور بادل نے بھی 18 ستمبر کو مرکزی کابینہ سے سبکدوشی اختیار کر لی تھی۔

بادل کے تبصرے ایسے میں وقت سامنے آئے ہیں، جب بی جے پی کے متعدد رہنماؤں نے دعوی کیا ہے کہ ملک دشمن قوتیں کسانوں کے احتجاج کا حصہ بن گئیں ہیں۔

یہ بھی پڑھیں
احوالِ وطن

ادے پور کے درزی کے بہیمانہ قتل کے ملزموں کا بی جے پی سے تعلق تھا: اشوک گہلوت

احوالِ وطن

راجستھان: مساجد اور گرودواروں کو جڑ سے اکھاڑ پھیکنے کی ترغیب دینے والے بی جے پی لیڈر کو پارٹی سے نکالا گیا

احوالِ وطن

کانگریس نے الیکشن کمیشن سے امت شاہ اور ہمنتا بسوا سرما کے خلاف فرقہ وارانہ تقاریر کے لیے کارروائی کرنے کی اپیل کی

احوالِ وطن

ملکارجن کھڑگے نے مرکزی حکومت پر سرکاری ملازمین اور مسلح افواج کو بی جے پی کا ’سیاسی مارکیٹنگ ایجنٹ‘ بنانے کا الزام لگایا

کسانوں کے احتجاج پر لگائے گئے الزامات پر پیر کو بھی ایس اے ڈی سربراہ نے بی جے پی پر شدید تنقید کی تھی۔ ٹویٹس کی ایک سیریز میں بادل نے بی جے پی کے دعوؤں پر سوال اٹھاتے ہوئے کہا کہ پارٹی این ڈی اے حکومت کا ساتھ دینے پر لوگوں کو محب وطن بناتی ہے لیکن اگر وہ ایسا نہیں کرتے ہیں تو انھیں ’’ملک دشمن‘‘ یا ’’ٹکڑے ٹکڑے گینگ‘‘ سے تعبیر کرتی ہے۔‘‘

ایک اور ٹویٹ میں سابق وزیر اعلی پنجاب نے کسانوں کے احتجاج کو ہندو سکھ تنازعہ کے طور پر پیش کرنے کی مذمت کرتے ہوئے کہا کہ ’’اس کی شروعات دہلی میں ہوئی تھی اور اب وہی طاقتیں پنجاب میں اس کی نقل کرنا چاہتی ہیں۔ ایس اے ڈی بہت واضح ہے۔ پنجاب صرف امن اور فرقہ وارانہ ہم آہنگی سے ترقی کرے گا۔‘‘

معلوم ہو کہ منگل کے روز مرکزی وزیر نتن گڈکری نے اشاروں میں کہا تھا کہ کسانوں کے احتجاج کو مختلف ایجنڈوں والے افراد ہائی جیک کر رہے ہیں۔ انھوں نے اس بات کی نشان دہی کی تھی کہ کسانوں کے احتجاج کے دوران ’’ملک مخالف تقاریر‘‘ کرنے والے اور ’’نکسلی تحریک‘‘ کی حمایت کرنے والے لوگوں کی تصاویر دیکھی گئی ہیں۔ اترپردیش کے وزیر اعلی آدتیہ ناتھ نے بھی دعویٰ کیا تھا کہ کسانوں کے احتجاج کو ملک دشمن قوتوں نے اغوا کر لیا ہے۔

پچھلے مہینے بی جے پی آئی ٹی سیل کے سربراہ امیت مالویہ نے دعویٰ کیا تھا کہ کسانوں کے احتجاج کا ’’خالصتانی اور ماؤنواز‘‘ حامیوں سے ربط ہے۔ ان سے پہلے ہریانہ کے وزیر اعلی منوہر لال کھٹر نے بھی ایسے ہی الزامات عائد کیے تھے۔ تاہم ان میں سے کسی نے بھی اپنے دعووں کی دلیل میں کوئی ثبوت فراہم نہیں کیا تھا۔

یہ بھِی پڑھیں مزید