نئی دہلی، 30 اپریل: مرکزی وزارت صحت کے مطابق گذشتہ روز ملک میں 66 افراد کی ہلاکتوں کے بعد ناول کورونا وائرس کی وجہ سے اموات کی تعداد 1،074 ہوگئی اور مجموعی معاملات کی تعداد آج صبح تک ملک میں 33،050 ہوگئی۔
کوویڈ 19 کے فعال معاملات کی تعداد 23،651 ہے، جب کہ 8،324 افراد صحت یاب ہوئے ہیں اور ایک مریض ہجرت کر گیا ہے۔ وزارت نے بتایا کہ مجموعی تعداد میں 111 غیر ملکی شہری بھی شامل ہیں۔
گذشتہ دن میں ہوئی 66 اموات میں سے 32 مہاراشٹر میں، 16 گجرات میں، 10 مدھیہ پردیش میں، تین اتر پردیش میں، دو تمل ناڈو اور دہلی اور کرناٹک میں ایک ایک موتیں ہوئیں۔
مہاراشٹر اب تک 432 اموات کے ساتھ بد ترین متاثرہ ریاستوں میں سرفہرست ہے، اس کے بعد گجرات میں 197، مدھیہ پردیش میں 129، دہلی میں 56، راجستھان میں 51، اتر پردیش میں 39 اور آندھرا پردیش میں 31 اموات ہوئی ہیں۔
اموات کی تعداد تمل ناڈو میں 27، تلنگانہ میں 26، مغربی بنگال میں 22 جب کہ کرناٹک میں 21 اور پنجاب میں 19 ہے۔
وزارت کی اطلاع کے مطابق جموں و کشمیر میں آٹھ، کیرالہ میں چار، جھارکھنڈ اور ہریانہ میں تین-تین، بہار میں دو، جب کہ میگھالیہ، ہماچل پردیش، اوڈیشہ اور آسام میں ایک-ایک اموات ہوئی ہیں۔