نئی دہلی،06اکتوبر:۔
گزشہ دنوں ملک بھر میں گنیش چترتھی کا تہوار دھوم دھام سے منایا گیا ۔ اس دوران متعدد مقامات پرگنیش پوجا کا اہتمام کیا گیا ۔کرناٹک میں ایسے ہی کرناٹک کے کوپل میں ایک مسجد کے سامنے گنیش کی مورتی کی پوجا کی گئی ۔پوجا پولیس اہلکاروں نے دی تھی۔ محکمہ پولیس نے پوجا کی اجازت دینے پر تین پولیس اہلکاروں کو معطل کر دیا ہے۔ ضلع پولیس نے جمعہ کو یہ اطلاع دی۔
گنگاوتی سٹی پولیس اسٹیشن سے منسلک انسپکٹر آدیویش گڈی کوپا، پی ایس آئی کامنا اور ہیڈ کانسٹیبل ماریپا ہوسمانی کو معطل کر دیا گیا ہے۔ یہ حکم ضلع ایس پی یشودا ونتاگوڈی نے جاری کیا۔
حکم نامے میں کہا گیا ہے کہ پولیس اہلکاروں نے 3 اکتوبر کو گنیش مورتی کے وسرجن پروگرام کے دوران ڈیوٹی میں لاپرواہی کا مظاہرہ کیا۔ معطل پولیس اہلکاروں کے بارے میں کہا جاتا ہے کہ وہ جامع مسجد کے سامنے پوجا کو روکنے میں ناکام رہے۔
ہندو عقیدت مندوں نے ایک گاڑی میں گنیش کی مورتی کا جلوس نکالا اور کوپل شہر کی جامع مسجد کے سامنے پوجا کی۔ معطل پولیس اہلکار موقع پر موجود تھے لیکن انہوں نے اسے نہیں روکا۔ اس واقعہ سے کشیدہ صورتحال پیدا ہوگئی۔
30 ستمبر کو نوجوانوں کی مسجد کے سامنے نعرے لگانے اور خصوصی پوجا کرنے کا ویڈیو سوشل میڈیا پر بھی وائرل ہوا تھا۔ اس کے بعد اس سلسلے میں چار پولیس اہلکاروں کے خلاف مقدمہ درج کیا گیا تھا۔ اس کے بعد 3 اکتوبر کو بھی ایسا ہی واقعہ دہرایا گیا۔