مختصر مختصر: اے آئی اے ڈی ایم کے نے تمل ناڈو میں بی جے پی کے ساتھ اپنا اتحاد جاری رکھنے کی تصدیق کی، دیگر اہم خبریں
- امت شاہ کے تمل ناڈو دورے کے دوران ریاست کے نائب وزیر اعلیٰ کا کہنا ہے کہ تمل ناڈو اسمبلی انتخابات کے لیے بی جے پی-اے ڈی ایم کے اتحاد جاری رہے گا۔ واضح کہ ریاست میں 2021 میں اسمبلی انتخابات ہونے والے ہیں۔
- مزاحیہ اداکارہ بھارتی سنگھ کو این سی بی نے منشیات کے معاملے میں پوچھ گچھ کے بعد گرفتار کیا۔ انسداد منشیات ایجنسی نے ایک بیان میں کہا ہے کہ اسے سنگھ کے گھر اور دفتر میں چھاپوں کے دوران 86.5 گرام منشیات ملی ہے۔
- پنجاب کے کسان پیر سے 15 دن تک ٹرینیں دوبارہ چلنے دیں گے۔ اس فیصلے کا اعلان کسانوں کی یونینوں نے وزیر اعلی امریندر سنگھ سے ملاقات کے بعد کیا۔
- پارلیمنٹری پینل کا کہنا ہے کہ نجی اسپتالوں نے کورونا وائرس وبائی مرض کے دوران مریضوں سے ’’بے حد قیمتیں‘‘ وصول کیں۔ رپورٹ میں میں مزید کہا گیا کہ قیمتوں کا استحکام برقرار رکھنے سے بہت ساری زندگیاں بچ سکتی ہیں۔
- ایم ای اے نے جیش کے ذریعے ہندوستان پر لگاتا حملوں کے سنگین خدشات کا اظہار کیا۔ ہندوستا نے بھی اس مطالبے کو دہرایا کہ پاکستان دہشت گردی کی حمایت بند کرے۔
- دہلی کی عدالت نے پریا رمانی-ایم جے اکبر کیس میں باہمی تصفیے کی تجویز پیش کی، دونوں سے جواب طلب کیا۔ راؤس ایونیو کی ضلعی عدالت نے دونوں فریقوں سے 24 نومبر کو جواب دینے کو کہا ہے۔
- آگرہ میں 38 سالہ دانتوں کی ڈاکٹر کا گھر میں گھس کر قتل کر دیا گیا۔ بچوں پر بھی حملہ کیا گیا۔ ایک کیبل ٹی وی آپریٹر کچھ کام کرنے کے بہانے اس کے گھر آیا اور اس نے لوٹنے کی کوشش کی مزاحمت کرنے پر خاتون ڈاکٹر کو ہلاک کردیا۔
- تریپورہ میں برو برادری کی آباد کاری کے خلاف احتجاج پر پولیس کی فائرنگ میں ایک ہلاک، 20 زخمی: ہجوم نے شمالی تریپورہ کے پانسیگر علاقے میں شاہراہ جام کر دیا تھا۔
- فائزر نے امریکہ میں اپنی کورونا وائرس ویکسین کے ہنگامی صورتوں میں استعمال کے لیے درخواست دی ہے، توق ہے کہ دسمبر وسط تک منظوری مل جائے گی۔ توقع ہے کہ موڈیرنا ایسی ہی درخواست داخل کرنے والی اگلی کمپنی ہوگی۔
- نریندر مودی کا کہنا ہے کہ ہندوستان اپنے کاربن فٹ پرنٹ 35 فیصد تک کم کرنے کا ارادہ رکھتا ہے۔ وزیر اعظم نے یہ بھی کہا کہ ہندوستان اگلے پانچ سالوں میں تیل صاف کرنے کی اپنی صلاحیت کو دوگنا کرنے پر کام کر رہا ہے۔