نئی دہلی ،24مارچ :۔
اترا کھنڈ میں یونیفارم سول کوڈ کے قانون کی تشکیل کے بعد اب بی جے پی اسے ملک گیر سطح پر لے جانے کے لئےکوششیں جاری ہیں۔جموں کشمیر میں بھی دفعہ 370 کی منسوخی کے بعد حالات کو تبدیل کرنے کی کوشش کی جا رہی ہے ااور حیران کن طور پر یہ کام فوج کے ذریعہ کیا جا رہا ہے۔رپورٹ کے مطابق یونیفارم سول کوڈ پر فوج نے کشمیر یونیور سٹی میں میں ایک سیمینار کا اہتمام کیا تھا جسے سیاسی رہنماؤں کے اعتراض کے بعد منسوخ کر دیا گیا ۔ جبکہ ہفتہ کے روج فوج کا کہنا ہے کہ "ماڈل کوڈ آف کنڈکٹ کے نفاذ کی وجہ سے منسوخ کر دیا گیا ہے”۔
رپورٹ کے مطابق مطابق ‘نیویگیٹنگ لیگل فرنٹیئرز: انڈین پینل کوڈ 2023 کو سمجھنا اور یونیفارم سول کوڈ کی تلاش’ کے عنوان سے، 26 مارچ کو کشمیر یونیورسٹی میں "قانونی آگاہی سیمینار” منعقد ہونا تھا۔ جموں و کشمیر اور لداخ ہائی کورٹ کے چیف جسٹس ، جسٹس کوٹیشور سنگھ، مہمان خصوصی تھے، جبکہ دعوت نامہ میجر جنرل پی بی ایس لامبا، جنرل آفیسر کمانڈنگ (جی او سی) ہیڈکوارٹر 31 سب ایریا کی جانب سے بھیجاگیا تھا۔ جموں و کشمیر کے قانون کے سکریٹری اچل سیٹھی تقریب کے مقررین میں شامل تھے۔ تقریب کے شیڈول کے مطابق، جن موضوعات پر بات کی جانی تھی ان میں "متنوع پرسنل لاز کے نظام سے یکساں قانونی ضابطہ کی طرف جانے کے چیلنجز اور فوائد”، "یکساں سول کوڈ سیکولرازم کے اصولوں اور اس کے ممکنہ اثرات کے ساتھ کیسے مطابقت رکھتا ہے” شامل تھے۔ متنوع معاشرے میں سماجی ہم آہنگی کو فروغ دینے پر”، "یکساں سول کوڈ انفرادی حقوق اور آزادی کو برقرار رکھنے میں کس طرح کردار ادا کر سکتا ہے”، اور "خاندانی قانون اور وراثت کے قوانین کے لیے ضروری اصلاحات، یو سی سی سے وابستہ ممکنہ فوائد اور خدشات کو اجاگر کرنا”۔
یہ سیمینار 26 مارچ کو کشمیر یونیورسٹی کے آڈیٹوریم میں ہونا تھا۔ تاہم سابق وزیر اعلیٰ اور نیشنل کانفرنس کے نائب صدر عمر عبداللہ کے ساتھ علاقائی سیاسی جماعتوں کی طرف سے ردعمل سامنے آیا۔سیاسی جماعتوں نے حساس علاقہ کشمیر میں یکساں سول کوڈ کے معاملے میں فوج کی شمولیت پر سوال اٹھایا ۔
نیشنل کانفرنس کے نائب صدر، عمرعبداللہ نے پوچھا: "کیا ہندوستانی فوج کے لیے یہ مناسب ہے کہ وہ یکساں سول کوڈ اور وہ بھی کشمیر جیسے حساس علاقے میں تقسیم کرنے والے معاملے میں ملوث ہو؟ ہندوستانی فوج کے غیر سیاسی اور مذہبی رہنے کی ایک وجہ ہے۔ یہ غیر ضروری UCC سیمینار ان دونوں بنیادی اصولوں کے لیے خطرہ ہے۔ اس کے ساتھ آگے بڑھنے سے فوج پر سیاست کی گندی دنیا میں ملوث ہونے کے ساتھ مذہبی معاملات میں مداخلت کے الزامات کا سامنا کرنا پڑ سکتا ہے۔
پیپلز ڈیموکریٹک پارٹی کی سربراہ مفتی محبوبہ نے کہا، "ہندوستانی فوج دنیا کی چوتھی مضبوط اور سب سے زیادہ نظم و ضبط والی افواج میں سے ایک ہے۔ لیکن چونکہ بی جے پی نے مذہب کو ہتھیار بنالیا ہے اور اسے ملک کے تمام مقدس اداروں میں مداخلت کرنا ہے، اس لیے ایسا لگتا ہے کہ فوج ایک اور نقصان ہے۔
پی ڈی پی کے ترجمان نجم الثاقب نے کہا کہ سیمینار "یہ ظاہر کرتا ہے کہ جموں و کشمیر میں سیاست اور سیکورٹی اپریٹس کے درمیان لکیریں کس حد تک دھندلی ہوئی ہیں”۔ہفتہ کی شام، آرمی پی آر او نے ایک پیغام بھیجا، پول کوڈ کا حوالہ دیتے ہوئے اور آگاہ کیا کہ سیمینار منسوخ کر دیا گیا ہے۔