نئی دہلی، فروری 28: یمنا میں شدید آلودگی کی نشان دہی کرتے ہوئے ہفتہ کے روز ملک کے تین ممتاز ہندو مذہبی پیشواؤں نے یہاں جاری ورنداون کمبھ کے دوسرے دنوں میں ’’شاہی اسنان‘‘ نہیں کریں گے، جب تک کہ ندی کا پانی صاف نہیں ہو جاتا۔
یمنا میں 9، 13 اور 25 مارچ کو مجوزہ باقی ’’شاہی اسنان‘‘ کا بائیکاٹ کرنے کا اعلان ایودھیا میں مقیم مہا نروانی اکھاڑہ کے سربراہ مہنت دھرم داس نے کیا۔
مہنت دھرم داس نے یہ اعلان دو دیگر ویشنوی اکھاڑوں، مہا نرموہی اور مہا دگمبر اکھاڑا کے سرداروں کی موجودگی میں کیا۔
مہنت دھرم داس نے کہا ’’اگلے ’شاہی اسنان‘ میں ہم یمنا میں مقدس ڈبکی تبھی لگائیں گے، جب پانی صاف ہوگا۔‘‘
انھوں نے کہا کہ متھرا ضلعی انتظامیہ نے ورنداون کمبھ کے دوران اپنے دیورھا گھاٹ پر گنگا سے اضافی پانی خارج کرکے ندی میں صاف پانی کا بندوبست کرنے کا وعدہ کیا تھا لیکن ایسا کچھ نہیں ہوا ہے۔
ندی کے دیورھا گھاٹ پر دو دیگر ساتھیوں کے ساتھ مقدس ڈبکی لگانے کے بعد مہنت دھرم داس نے یمنا میں آلودگی پر تنقیدی تبصرہ کیا۔