نئی دہلی، جولائی 5: نیوز ایجنسی اے پی کے مطابق پیر کو فلپائنی فوج کے فوجی طیارہ حادثے میں ہلاک ہونے والوں کی تعداد 50 ہوگئی۔
اتوار کے روز فلپائن کے سولو صوبے کے جولو ہوائی اڈے پر لینڈنگ کے دوران لاک ہیڈ سی-130 طیارہ رن وے سے بھٹک کر ناریک کے ایک گروو سے ٹکرا گیا اور اس میں آگ لگ گئی۔
طیارے میں 96 مسافر سوار تھے۔ ان میں زیادہ تر فوج کے جوان تھے جنھیں سولو میں ایک عسکریت پسند گروپ سے لڑنے کے مشن میں تعینات کیا جانا تھا۔ ان میں سے بہت سے فوجیوں کو حال ہی میں بھرتی کیا گیا تھا۔
ہلاک ہونے والوں میں طیارہ سے باہر زمین پر موجود تین شہری بھی شامل ہیں۔ خبر رساں ادارے کے مطابق طیارے کا ملبہ ان سے ٹکڑا گیا تھا۔
تفتیش کار حادثے کی وجوہ کا تعین کرنے کے لیے طیارے کے بلیک باکس اور فلائٹ ڈیٹا ریکارڈر تلاش کررہے ہیں۔ فلپائنی فوج کے ترجمان میجر جنرل ایڈگارڈ اریوالو نے بی بی سی کو بتایا کہ اس بات کا کوئی اشارہ نہیں ہے کہ طیارے پر حملہ ہوا ہے۔
اے پی کے مطابق فلپائن کی مسلح افواج کے سربراہ جنرل سیریلیٹو سوبیجانا نے اتوار کے روز کہا تھا کہ طیارہ رن وے سے بھٹک گیا تھا اور دوبارہ قابو حاصل کرنے کی کوشش میں ناکام رہا تھا اور گر کر تباہ ہوگیا۔
وہیں ایک نامعلوم فضائیہ اہلکار نے اے پی کو بتایا کہ جولو کا رن وے فلپائن کے دیگر ہوائی اڈوں سے چھوٹا ہے، جس میں طیارے کے لینڈنگ اسپاٹ سے محروم ہونے کی صورت میں پائلٹوں کے لیے مشکلات پیدا ہوتی ہیں۔