- ہریدوار نفرت انگیز تقریر کیس میں ملزم یتی نرسنگھ نند گری کو 14 دن کی عدالتی حراست میں بھیج دیا گیا: اس پر دفعہ 295A (جان بوجھ کر اور بدنیتی پر مبنی حرکتیں، مذہبی جذبات کو مجروح کرنے کے مقصد سے) اور 509 (کسی بھی عورت کی عزت نفس کی توہین کرنا) کے تحت مقدمہ درج کیا گیا ہے۔
- وزیر صحت وینا جارج نے ایک پریس ریلیز میں کہا کہ کیرالہ میں کووڈ 19 کے ٹیسٹ میں مثبت پائے جانے کی شرح 30 فیصد سے زیادہ بڑھ گئی، بنگلورو میں 21,000 سے زیادہ کیسز رپورٹ ہوئے۔
- اتر پردیش کے سابق وزیر دارا سنگھ چوہان نے سماج وادی پارٹی میں شمولیت اختیار کی: سوامی پرساد موریہ اور دھرم سنگھ سینی کے بعد وہ آدتیہ ناتھ کی قیادت والی کابینہ کے تیسرے وزیر ہیں جنھوں نے سماج وادی پارٹی میں شمولیت اختیار کی۔
- میڈیا اداروں نے کشمیر پریس کلب پر ’’معاندانہ قبضے‘‘ کی مذمت کی: ہفتہ کو صحافیوں کا ایک گروپ نیم فوجی دستوں کے ہمراہ کلب میں داخل ہوا اور پریس کلب میں عہدیداروں کی تقرری کے لیے الیکشن کرایا۔
- دہلی کی عدالت نے مسلم خواتین کی ’’آن لائن نیلامی‘‘ کے لیے استعمال ہونے والی ایپ کے مبینہ تخلیق کار کو ضمانت دینے سے انکار کر دیا۔ عدالت نے اس ایپ کے خلاف کی گئی متعدد شکایات پر بھی غور کیا جو ملک بھر میں زیر التوا ہیں۔
- ریاست کے یوم جمہوریہ کی جھانکی کو مرکز کی طرف سے مسترد کرنے کے بعد مغربی بنگال کے وزیر اعلی نے مودی کو خط لکھا: اپنے خط میں ممتا بنرجی نے کہا کہ وہ مرکز کے فیصلے سے حیران و پریشان ہیں۔ انھوں نے دعویٰ کیا کہ مرکزی حکومت نے بغیر کسی وجہ یا جواز کے اس جھانکی کو مسترد کر دیا۔
