نئی دہلی، اگست 22: مرکزی وزیرداخلہ امت شاہ کوچپل اٹھاکر پہننے کے لئے دینے سے متعلق تلنگانہ بی جے پی کے صدربنڈی سنجے کا ویڈیو وائرل ہوگیا ہے۔ جس پر مختلف گوشوں سے ان پر تنقیدیں کی جارہی ہیں۔
امت شاہ نے گزشتہ روز سکندرآباد کی مہانکالی مندر میں پوجا کی تھی۔پوجا کے بعد جب وہ مندر سے باہر نکلے تو بنڈی سنجے تیزی کے ساتھ آگے بڑھے اور انہوں نے امت شاہ کو چپل اٹھا کر دی تاکہ وہ چپل پہن سکیں۔امت شاہ تلنگانہ کے منوگوڑو میں جلسہ میں شرکت کے لئے پہنچے تھے۔
The speed and focus in bringing slippers shows tomorrow BJP will keep our State at the feet of Amit Shah…
Beware Telangana#GujaratGhulam@KTRTRS pic.twitter.com/WBAR75KC2e
— krishanKTRS (@krishanKTRS) August 22, 2022
تلنگانہ کےاطلاعاتی ٹکنالوجی کے وزیر تارک راماراؤ کے ساتھ ساتھ ریاست کی حکمران جماعت ٹی آرایس کے سوشل میڈیا کنوینر وائی ستیش ریڈی نے اس ویڈیو کو ٹوئیٹر ہینڈل سے پوسٹ کیا۔یہ ویڈیو دیکھتے ہی دیکھتے سوشیل میڈیا کے مختلف پلیٹ فارمس پر تیزی کے ساتھ وائرل ہوگیا۔