’اگلے 20 سال تک جنگ لڑیں گے لیکن ایک انچ بھی زمین کسی کو نہیں دیں گے‘  

کابل،22 ستمبر :۔

گزشتہ دنوں امریکی صدر ٹرمپ کے ذریعہ افغانستان کے انتہائی اہمیت کے حامل بگرام ایئر بیس کو دوبارہ حاصل کرنے کا اعلان کیا گیا تھا جس کے بعد افغانستان کی طالبات حکومت نے اس پر شدید اور دو ٹو ک جواب دیا ہے ۔افغانستان کا کہان ہے کہ   ملک کی ایک انچ زمین بھی کسی کو نہیں دیں گے، امریکہ سے مزید 20سال لڑنے کو تیار ہیں۔

میڈیا رپورٹوں کے مطابق امریکی صدر کی دھمکیوں پر رد عمل دیتے ہوئے افغان وزیر دفاع محمد یعقوب مجاہد نے کہا کہ بیرونی فوج کی موجودگی بحال کرنے کی کسی بھی کوشش کی صورت میں سخت مزاحمت کا سامنا کرنا پڑے گا ہمیں کسی معاہدے کی ضرورت نہیں، افغانستان کی آزادی اور علاقائی سالمیت انتہائی اہمیت کی حامل ہے۔ افغانستان کی طالبان حکومت نے بگرام ایئر بیس کو دوبارہ حاصل کرنے کی امریکی دھمکیوں کو سختی سے مسترد کرتے ہوئے کہا ہے کہ ، اگر امریکہ کو ہمارے اڈے واپس چاہئیں تو ہم اس سے اگلے 20سال مزید لڑنے کے لیے تیار ہیں، بیرونی فوج کی موجودگی بحال کرنے کی کسی بھی کوشش کی صورت میں سخت مزاحمت کا سامنا کرنا پڑے گا۔

یہ پیش رفت امریکی صدر کی جانب سے بگرام ایئربیس واپس نہ کرنے کی صورت میں افغانستان کو دی گئی سنگین نتائج کی دھمکی کے بعد سامنے آئی ہے۔ افغان وزیر دفاع محمد یعقوب مجاہد نے میڈیا سے گفتگو میں اس اسٹریٹجک ایئربیس کو دوبارہ حاصل کرنے کی خواہش کا جواب دیتے ہوئے کہا کہ’ہمارا جواب یہ ہے کہ اگر آپ واپس آنا اور اڈے لینا چاہتے ہیں تو ہم آپ کے خلاف اگلے 20 سال تک لڑنے کے لیے تیار ہیں۔