غزہ میں اسرائیلی جاحیت اور نسل کشی کے خلاف پوری دنیا میں غم و غصہ ہے ۔ اس درمیان اسرائیل نے تمام دنیا کو نظر انداز کرتے ہوئے ہٹھ دھرمی کے ساتھ پورے غزہ پر قبضہ کرنے کا اعلان کیا ہے اور فلسطینی ریاست کے وجود کو مسترد کر دیا ہے ۔ دریں اثنا دنیا کے ممالک کی جانب سے فلسطین کے ساتھ یکجہتی کے اظہار کا بھی سلسلہ جاری ہے ۔ اب لکسمبرگ نے بھی فلسطین کو بطور ریاست تسلیم کرنے کے ارادے کا اعلان کر دیا ہے ۔اقوام متحدہ کی جنرل اسمبلی میں فلسطینی ریاست کو تسلیم کرنے کا ارادہ رکھتا ہے، وزیراعظم لوک فریڈن اور وزیر خارجہ زیویر بیٹل نے پارلیمانی کمیشن کے سامنے ارادے کا اظہار کیا۔

میڈیا رپورٹوں کے مطابق لکسمبرگ اس مہینے نیویارک میں اقوام متحدہ کی جنرل اسمبلی میں فلسطین کو ایک ریاست کے طور پر تسلیم کرنے کا ارادہ رکھتا ہے۔خبر کے مطابق، وزیراعظم لوک فریڈن اور وزیر خارجہ زیویر بیٹل نے ایک پارلیمانی کمیشن کے سامنے اس بات کا اعلان کیا۔گزشتہ جمعے کو، اقوام متحدہ کی جنرل اسمبلی نے ’’نیو یارک ڈکلیریشن‘‘ کی توثیق کرتے ہوئے ایک قرارداد منظور کی، جس کا مقصد فلسطینی ریاست کو تسلیم کرنا اور اسرائیل فلسطین تنازعے کے دو ریاستی حل کو آگے بڑھانا ہے۔لکسمبرگ کا علان اسی قرار داد کو مزید تقویت پہنچانے والا ہے ۔