حکومت ہند کے ذریعہ   روہنگیا پناہ گزینوں کی ملک بدری عالمی انسانی حقوق کی خلاف ورزی

نئی دہلی ،10 ستمبر :۔

مرکزی حکومت کے ذریعہ بنگلہ دیشی اور روہنگیا پناہ گزیرنوں کی ملک بدری اندرون ملک تنازعہ کا شکار رہی ہے اب اقوام متحدہ نے بھی  اس اقدام کی مذمت کی ہے اور   حکام کی جانب سے روہنگیا مسلمانوں کی ملک بدری پر تشویش کا اظہار کرتے ہوئے کہا ہے کہ اس سے دنیا بھر میں تارکین وطن اور پناہ گزینوں کے حقوق کی خلاف ورزی ہوتی ہے۔

 گزشتہ روز جنیوا میں انسانی حقوق کونسل کے 60ویں اجلاس سے خطاب کرتے ہوئے اولکر ترک نے کہا، "انسانی حقوق پھلتے پھولتے معاشروں کی بنیاد ہیں، لیکن ہمارے حقوق کو کمزور کرنے والی پریشان کن پیش رفت دنیا بھر میں پھیل رہی ہے۔

انہوں نے اس بات پر روشنی ڈالی کہ پاکستان اور ایران دونوں نے لاکھوں افغان مہاجرین کو اپنے ملکوں میں واپس بھیج دیا ہے اور مزید کہا کہ "بھارت نے بھی کئی روہنگیا مسلمانوں کو خشکی اور سمندر کے راستے ملک بدر کیا ہے۔

ہیومن رائٹس واچ نے پہلے انکشاف کیا تھا کہ بھارت میں تقریباً 40,000 روہنگیا پناہ گزین مقیم ہیں جن میں سے تقریباً 20,000 اقوام متحدہ کی پناہ گزین ایجنسی کے ساتھ رجسٹرڈ ہیں۔

اس بات کا نوٹس لیتے ہوئے کہ انسانی حقوق ہر ایک کے لیے کتنے اہم ہیں اور اس کی تعلیم پر زور دیتے ہوئے، انہوں نے کہا، "ہر بچہ چاہے اس کی خواہشات سے قطع نظر – چاہے وہ کسان بنے، ڈیجیٹل ورکر، ڈاکٹر یا دکاندار، اسے یہ جاننا چاہیے کہ انسانی حقوق پیدائشی حق ہیں۔