سوڈان میں  قہر،لینڈ سلائڈ کے بعد پورا گاؤں ملبے میں تبدیل  

خرطوم ،02 ستمبر :۔

ان دنوں دنیا بھر میں قدرت اپنا قہر دکھا رہی ہے۔ ایک طرف جہاں وطن عزیز ہندوستان میں مختلف ریاستوں میں سیلاب کا قہر ہے ،پاکستان میں متعدد گاؤں صفحہ ہستی سے مٹتے نظر آ رہے ہیں ،وہیں افغانستان میں خوفناک زلزلے نے سینکڑوں لوگوں کی جان لے لی وہیں۔اب  افریقی ملک سوڈان میں لینڈ سلائڈ نے ہر طرف  بھاری تباہی مچائی ہے۔

میڈیا رپورٹوں کی اطلاعات کے مطابق افریقی ملک سوڈان میں لینڈ سلائیڈ کے ایک خوفناک قدرتی قہر میں ایک مکمل گاؤں تباہ ہو گیا یہاں کم از کم 1000 سے زائد افراد کی موت کی اطلاعات ہیں۔ سوڈان لبریشن موومنٹ نے اطلاع دی ہے کہ یہاں لینڈ سلائڈ سے کم سے کم 1000 لوگوں کی موت ہو گئی۔ یہاں تباہی اس قدر ہوئی کہ مغربی سوڈان کے ماررا پہاڑی علاقے میں پورا کا پورا گاؤں ہی تباہ ہو گیا۔ یہ دارفور علاقے میں آتا ہے۔ یہاں صرف ایک بچہ ہی معجزاتی طور پر زندہ بچ سکا۔ اس وقت سوڈان میں حالات کافی خوفناک ہیں۔

رپورٹ کے مطابق عبدالواحد محمد نور کی قیادت والے گروپ نے اپنے ایک بیان میں اطلاع دیتے وہئے کہا کہ شدید بارش کی وجہ سے لینڈ سلائڈ کا واقعہ پیش آیا، جس نے ایک پورے گاؤں کو صفحہ ہستی سے مٹا دیا اور وہ مٹی میں دھنس گیا۔ دارفور علاقے پر تحریک کار گروپ کا کنٹرول ہے۔ اس گروپ نے اقوام متحدہ اور بین الاقوامی امدادی ایجنسیوں سے مدد طلب کی ہے۔ اس لینڈ سلائڈ میں ہزاروں مرنے والوں میں مرد، خواتین اور بچے سبھی شامل ہیں۔

واضح رہے کہ سوڈان میں پہلے سے ہی جنگ چل رہی ہے۔ وہاں کے عوام جنگ سے پیدا حالات سے نپٹنے کی کوشش کر ہی رہے تھے کہ اس قدرتی آفت نے انہیں اپنی زد میں لے لیا۔ یہاں لوگوں کے سامنے فاقہ کشی کی نوبت ہے۔