نئی دہلی،29 جولائی :۔
اتر پردیش مدرسہ ایجوکیشن بورڈ (یوپی ایم ای بی) نے حال ہی میں 2023 کے بورڈ امتحانات کے نتائج کا اعلان کیا ہے، جس سے مجموعی طور پر 84 فیصد طلبہ کامیاب ہوئے ہیں ۔اس سال پاس ہونے کا فیصد پچھلے سال کے 81فیصد سے تھوڑا سا اضافہ ہے، جو امیدواروں کی محنت اور لگن کو ظاہرکرتا ہے۔
رپورٹ کے مطابق ریاست بھر میں 539 امتحانی مراکز پر کل 1.69 لاکھ طلباء نے امتحانات میں شرکت کی، جن میں منشی/مولوی (ہائر سیکنڈری)، عالم (سینئر سیکنڈری)، کامل (انڈرگریجویٹ) اور فاضل (پوسٹ گریجویٹ) کورسز شامل تھے۔
یو پی ایم ای بی کے مطابق، مدرسہ بورڈ کا امتحان کامیابی سے پاس کرنے والے 1.09 لاکھ طلباء میں سے طالبات نے لڑکوں کو پیچھے چھوڑ دیا ہے۔ پاس ہونے والوں میں، 55,046 طالبات تھیں، جو کہ 87.22 فیصد تھیں، جب کہ 54,481 طالب علم تھے، جو کامیاب امیدواروں کا 98.54 فیصد ہوتا ہے۔
مختلف کورسز میں سے، منشی/مولوی (عربی/فارسی) کے امتحان میں 1.01 لاکھ امیدواروں میں سے 79.21 فیصد طلباء کامیابی سے پاس ہوئے جنہوں نے امتحان میں شرکت کی۔ عالم کے امتحان میں 88.8فیصد طلبہ شریک ہوئے تھے 29,496 میں سے 23,888 امیدوار پاس ہوئے۔
کامل کورس کے لیے، قابل ذکر 91.2فیصد امیدواروں نے امتحان پاس کیا، کل 8,120 طلبہ میں سے 7,513 طلبہ کامیاب ہوئے ۔ اسی طرح، فاضل کورس میں 95.31 فیصد کامیابی حاصل کی جس میں 4,420 میں سے 4,129 طلباء نے کامیابی سے امتحان پاس کیا۔
یو پی ایم ای بی نے مختلف زمروں میں اعلیٰ کارکردگی کا مظاہرہ کرنے پر خوشی کااظہار کیا ۔منشی/مولوی (عربی/فارسی) کے امتحان میں بھدوہی ضلع سے تعلق رکھنے والے محمد نازل نے پہلا نمبر حاصل کیا۔ فرخ آباد کی چاندنی بانو نے عالم کے امتحان میں ٹاپ پوزیشن حاصل کی۔وہیں وارانسی کی روقیہ بے بی کامل کورس میں سب سے زیادہ اسکورر بن کر ابھری اور فاضل کورس میں کانپور کی فرح ناز نے پہلی پوزیشن حاصل کی۔