گوا: طلبہ کو مسجد  وزٹ کی اجازت دینے پر معطل پرنسپل   کی حمایت میں طالبات  ہڑتال پر،معطلی منسوخ کرنے کا مطالبہ

ممبئی،15ستمبر :۔

گوا میں ایک اسکول کے پرنسپل کو صرف اس لئے معطل کر دیا گیا کہ انہوں نے بچوں کو ایک مسجد کے دورہ کی اجازت دی تھی ۔یہ سب وشو ہندو پریشد اور بجرنگ دل کے علاوہ کچھ دیگر تنظیموں کی جانب سے ہنگامہ کھڑا کرنے کے بعد ہوا تھا۔اسکول کے پرنسل اب بھی اپنے موقف پر قائم ہیں ۔معاملہ ہے  گوا کے واسکو میں کیشو اسمرتی ہائر سیکنڈری اسکول کے پرنسپل شنکر دابونکر  کا۔انہوں نے گوا میں اسٹوڈنٹس اسلامک آرگنائزیشن (ایس آئی او) کی واسکو یونٹ کے زیر اہتمام ایک مسجد پروگرام میں طلباء کے ایک گروپ کو شرکت کی اجازت دینے پر معطل کر دیا گیا۔ انہوں نے کہا کہ وہ اپنے فیصلے پر قائم ہیں کیونکہ انہوں نے "کوئی غلطی نہیں کی۔

انڈیا ٹو مارو کی رپورٹ کے مطابق وشو ہندو پریشد (VHP)، بجرنگ دل اور کچھ دیگر ہندوتوا تنظیموں کے کارکنوں نے گزشتہ ہفتے اسکول انتظامیہ پر پرنسپل کو معطل کرنے کے لیے دباؤ ڈالا، اور الزام لگایا کہ طالبات کو "حجاب پہننے” اور "اسلامی رسومات کے لیے” مجبور کیا گیا۔

مسجد میں آنے والی لڑکیوں نے اس بات سے انکار کیا ہے کہ انہیں حجاب پہننے یا اسلامی نماز پڑھنے پر مجبور کیا گیا تھا۔ پرنسپل کا دفاع کرتے ہوئے اور ان کی معطلی کو منسوخ کرنے کا مطالبہ کرتے ہوئے، لڑکیوں نے مبینہ طور پر کہا ہے کہ عبادت گاہ کے تقدس کو برقرار رکھنے کے لیے مسجد جاتے ہوئے ‘انہوں نے اپنے دوپٹے سر پر رکھے ہوئے تھے’۔

کیشو اسمرتی ہائر سیکنڈری اسکول کے تمام 22 طلباء، جن میں سے چار لڑکیاں ہیں، پچھلے ہفتے ایک مسجد کے دورے کے لیے دوسرے اسکول کے طلباء کے ایک گروپ میں شامل ہوئے تھے۔ پرنسپل نے کہا، ایک خاتون اور ایک مرد ٹیچر طلباء کے ساتھ مسجد کے دورے کے پروگرام میں گئے تھے۔

پرنسپل نے کہا کہ یہ پہلا موقع نہیں ہے کہ ان کے طلباء مسجد میں گئے ہوں۔ پرنسپل نے کہا، "کووڈ سے پہلے، میرے طلباء کے ایک گروپ نے اس طرح کے پروگرام میں حصہ لیا تھا۔ میں نے کوئی غلطی نہیں کی کیونکہ کسی بھی اصول کی خلاف ورزی نہیں کی گئی۔

انہوں نے کہا کہ، کچھ تنظیموں نے اسکول انتظامیہ پر انہیں معطل کرنے کے لیے دباؤ ڈالا، جب کہ انتظامیہ مظاہرین سے کہتی رہی کہ ان کے خلاف کوئی بھی کارروائی شروع کرنے سے پہلے قانون کے مطابق عمل کیا جائے گا۔

پرنسپل نے کہا، "انتظامیہ کو مجھے معطلی کا حکم دینے سے پہلے مجھے وجہ بتاؤ نوٹس دینے کی بھی اجازت نہیں تھی۔ آج بھی مسجد جانے والی لڑکیاں ہڑتال پر بیٹھی ہیں اور میری معطلی کو منسوخ کرنے کا مطالبہ کر رہی ہیں۔

"سٹوڈنٹس وزٹ ماسک  ایس آئی او، جماعت اسلامی ہند کے طلبہ ونگ کا ایک پروگرام ہے، جو 2013 میں شروع کیا گیا تھا۔ کووڈ کی وجہ سے اسے تین سال کے لیے ملتوی کر دیا گیا تھا۔ گوا میں ایس آئی او کے ریاستی سکریٹری یونس ملا نے کہا، "اس اقدام کے ذریعے، غیر مسلموں کو مساجد کا دورہ کرنے کی دعوت دی جاتی ہے جہاں انہیں وضو، اذان اور نماز کی رسومات کی وضاحت کی جاتی ہے۔

ملا نے کہا، "یہ پروگرام غیر مسلموں کو یہ سمجھنے کی کوشش ہے کہ اصل میں مسجد میں کیا ہوتا ہے۔ بہت سے لوگوں کو یہ غلط فہمی ہے کہ مسلمان شہنشاہ اکبر کی تعریف کرتے ہیں جب کہ وہ اذان میں لوگوں کو مسجد میں نماز کے لیے بلاتے ہیں۔ ہم وضاحت کرتے ہیں کہ اللہ اکبر اللہ یا اللہ کی حمد ہے  اکبر بادشاہ کی نہیں۔

ملا نے کہا، "گوا میں ایس آئی او نے میڈیا کو بتایا ہے کہ وی ایچ پی، بجرنگ دل اور دیگر ہندوتوا تنظیموں کے الزامات کے برعکس، ایس آئی او کا ممنوعہ پی ایف آئی سے کوئی تعلق نہیں ہے۔ ایس آئی او  ایک طلبہ تنظیم ہے جو فرقہ وارانہ ہم آہنگی اور پرامن بقائے باہمی کو فروغ دینے کے لیے کوشاں ہے۔ ملا نے کہا، ’’طلبہ وزٹ ماسک‘‘ تنظیم کا ایک ایسا ہی پروگرام ہے۔