کیرالہ:کینٹین میں بیف پر پابندی کے خلاف  کینرا بینک کے ملازمین نے ’بیف فیسٹ‘ کا  اہتمام کیا

نئی دہلی ،30 اگست :۔

کیرالہ میں ایک عجیب واقعہ پیش آیا ہے ،جہاں ایک بینک منیجر نے برسوں سے چل رہی کینٹین میں بیف پر پابندی عائد کر دی جس کے خلاف ملازمینن نے احتجاج شروع کر دیا ہے ۔در اصل ارناکولم میں کینرا بینک کے ملازمین نے جمعہ کے روز ایک "بیف فیسٹ” کا اہتمام کرتے ہوئے ایک انوکھا احتجاج کیا۔  یہ احتجاج ملازمین نے نو تعینات مینیجر نے مبینہ طور پر کینٹین میں گائے کا گوشت پیش کرنے پر پابندی عائد کردی۔

اس احتجاج کی قیادت بینک ایمپلائز فیڈریشن آف انڈیا (BEFI) نے کی۔ اراکین نے کہا کہ وہ ابتدائی طور پر مینیجر کے مبینہ توہین آمیز رویے اور ذہنی طور پر ہراساں کیے جانے کے خلاف مظاہرہ کرنے کی تیاری کر رہے تھے۔ تاہم، کھانے پر پابندی کے بعد، انہوں نے دفتر کے باہر گائے کا گوشت اور پروٹہ پیش کرکے احتجاج کا  فیصلہ کیا۔

رپورٹ کے مطابق فیڈریشن کے ایک رہنما نے بتایاکہ "یہاں ایک چھوٹی کینٹین چلتی ہے، اور منتخب دنوں میں گائے کا گوشت پیش کیا جاتا ہے۔ مینیجر نے کینٹین کے عملے کو مطلع کیا کہ اب گائے کا گوشت نہیں پیش کیا جانا چاہیے۔ یہ بینک آئین کے رہنما اصولوں کے مطابق کام کرتا ہے۔ کھانا ایک ذاتی انتخاب ہے۔ ہندوستان میں ہر فرد کو اپنا کھانا منتخب کرنے کا حق ہے۔ ہم کسی کو گائے کا گوشت کھانے پر مجبور نہیں کر رہے ہیں۔ یہ محض ہمارے احتجاج  کا طریقہ ہے۔آزاد ایم ایل اے کے ٹی جلیل نے مظاہرین کی تعریف کرتے ہوئے فیس بک پوسٹ میں لکھا: ’’یہ اعلیٰ افسران پر منحصر نہیں ہے کہ وہ فیصلہ کریں کہ کیا پہننا ہے، کیا کھانا ہے، کیا سوچنا ہے۔‘‘