عالمی تنظیم صحت کے ڈائرکٹر جنرل ٹیڈروز ایڈہینوم نے کہا ہے کہ کئی ممالک نے کووڈ ۱۹ سے نمٹنے کے لیے لاک داؤن کردیا ہے لیکن اس وبا کو ختم کرنے کے لیے محض لاک ڈاؤن کافی نہیں ہیں۔
انھوں نے کہا کہ متعدد ممالک نے کورونا وائرس سے نمٹنے کے لیے لاک ڈاؤن کردیا ہے۔ لیکن "محض ان تدابیر سے وبا کا خاتمہ نہیں ہوگا۔ ہم تمام ممالک سے اپیل کرتے ہیں کہ وہ اس دوران کوروناوائرس پر وار کریں۔ آپ نے اس وبا سے نمٹنے کا دوسرا موقع پایا ہے۔”
لوگوں کو گھر پر روکنا اور ان کی نقل و حرکت کو بند کرنا دراصل وائرس سے نمٹنے کی خاطر وقت نکالنا ہے۔ انھوں نے کہا کہ "اس سے اسپتالوں اور صحت کے اداروں پر دباو کم ہوگا لیکن اس سے وبا کا خاتمہ نہیں ہوجائے گا۔”
ملحوظ رہے کہ اب تک کورونا وائرس سے عالمی سطح پر چار لاکھ سے زیادہ لوگ متاثر ہوچکے ہیں اور اٹھارہ ہزار سے زائد افراد کی موت ہوچکی ہے۔