پالنے کیلئے گائے لے جانے پر ہمارے ساتھ مجرموں جیسا سلوک کیوں ؟

دعوت ویب ڈیسک

نئی دہلی ،20 اگست :۔

اب  ملک میں گائے ایک ایسا جانور ہو چکی ہے جس پر صرف ہندووؤں کی اجارہ داری ہے ۔اگر کوئی مسلمان کے ہاتھ میں گائے کی رسی دیکھتے ہیں شدت پسندوں کے پیٹ میں درد ہونے لگتا ہے ۔آئے دن اس طرح کے واقعات منظر عام پر آ رہے ہیں جہاں مسلم کسانوں کے ذریعہ گایوں کو لے جانے پر تنازعہ کھڑا کیا جاتا ہے اور مار پیٹ کی جاتی ہے مگر انتظامیہ کی جانب سے اس سلسلے یں کوئی ٹھوس کارروائی نہ ہونے کی وجہ سے ان کے حوصلے بلند ہیں ۔ اب بہار کے گوپال گنج ضلع میں، ایک بزرگ مسلم جوڑے کو گائے لے جانے پر مقامی ہندو تنظیم کے رہنما نے روکا اورہراساں کیا  اور گائے کی اسمگلنگ کا الزا عائد کیا ۔یہ واقعہ پنچ دیوری بلاک میں پیش آیا اور اس کے بعد سے ایک ویڈیو وائرل ہو گیا۔حالانکہ بزرگ جوڑا اس دوران مسلسل کہتا رہا ہے کہ وہ دودھ کا کاروبار کرتا ہے اور گائے پالنے کیلئے لے جا رہا ہے ۔

رپورٹس کے مطابق، پردیپ موریہ، ایک ہندو تنظیم سے منسلک رہنما، نے جوڑے کو روکا اور ان پر "گائے کے اسمگلر” ہونے کا الزام لگایا۔ اس نے اور اس کے ساتھیوں نے مبینہ طور پر بغیر کسی دستاویزات کی جانچ کیے یا جوڑے کی وضاحت کی تصدیق کیے بغیر  اسمگلنگ کا الزام عائد کر کے ہنگامہ کیا۔

بزرگ نے اپنا دفاع کرنے کی کوشش کرتے ہوئے کہا، "میں ان گائیوں کو پالنے کے لیے لیتا ہوں، میں ہمیشہ دودھ اور کاروبار کے لیے دو سے چار جانور پالتا ہوں، جو کچھ بھی کرتا ہوں اس میں کوئی غیر قانونی بات نہیں ہے۔  اس کی بیوی نے بھی تصادم کے دوران التجا کرتے ہوئے پوچھا، "ہم نے یہ گائیں ان کی دیکھ بھال کے لیے خریدی ہیں، ہمارے ساتھ مجرموں جیسا سلوک کیوں کیا جا رہا ہے؟”

بزرگ جوڑے کی منت کے باوجود شدت پسندوں نے انہیں دھمکی دی ۔وائرل ویڈیو میں سنا جا سکتاہے کہ

جس میں ہندو رہنما کہتا ہے کہ  "میں تم  لوگوں کو ہر روز گائے لیتے ہوئے دیکھتا ہوں، اگر میں  اگلی مار دیکھا تو یہیں باندھ دوں گا  ،ساتھ ہی اس نے وارننگ بھی دی کہ وہ پولیس کو بلائے گا۔

مقامی لوگوں کا کہنا تھا کہ جوڑے کو غیر منصفانہ طور پر نشانہ بنایا جا رہا ہے۔  ان کا کہنا ہے کہ "دودھ اور پالنے کے مقاصد کے لیے گائے یا بھینسوں کو خریدنا اور گائوں  کو لے جانا یہاں ایک عام عمل ہے۔ اس میں کوئی غیر قانونی بات نہیں ہے۔”