وقف ترمیی بل مسلمانوں کے خلاف قانونی سازی کے امتیاز کی راہ ہموار کرنے والا  

نئی دہلی،02 اپریل :۔

وقف ترمیمی بل کو ایوان میں پیش کئے جانے کے بعد آج مسلم تنظیموں نے شدید رد عمل کا اظہار کیا ہے۔  جماعت اسلامی ہند سید سعادت اللہ حسینی (جے آئی ایچ) نے وقف ترمیمی بل کی شدید مذمت کرتے ہوئے اسے ایک "انتہائی قابل مذمت اقدام” قرار دیا ہے جو "مسلمانوں کے خلاف قانون سازی کے امتیاز” کی راہ ہموار کرتا ہے۔ اس بل میں 1995 کے وقف ایکٹ میں ترمیم کرنے کی کوشش کی گئی ہے، جس کے بارے میں  جس کے بارے میں امیر جماعت نے کہا کہ  ایسی دفعات شامل ہیں جو صرف مسلمانوں کے لیے نہیں ہیں بلکہ دیگر کمیونٹیز کے مذہبی وقف قوانین کے لیے بھی عام ہیں۔

امیر جماعت نے وقف ایکٹ میں بل کی بڑی تبدیلیوں پر بھی تنقید کی، جو ان کے مطابق، وقف املاک کے انتظام پر حکومتی کنٹرول میں اضافہ کرے گا اور ان کے مذہبی کردار کو بدل دے گا۔ انہوں نے اسے بھارتی آئین کے آرٹیکل 26 کی خلاف ورزی قرار دیا، جو مذہبی اقلیتوں کو اپنے مذہبی اداروں کے انتظام کے حق کی ضمانت دیتا ہے۔ بل کی وسیع پیمانے پر مخالفت اور عوام کے لاکھوں اعتراضات کے باوجود، انہوں نے کہا کہ  حکومت نے اہم اسٹیک ہولڈرز کے تاثرات کو نظر انداز کر دیا ہے، اور مشاورتی عمل کو محض رسمی طور پر پیش کیا ہے۔

انہوں نے مزید  کہا کہ "بل بدعنوانی، غیر قانونی قبضوں، یا وقف املاک کے غلط استعمال کو روکنے کے لیے کچھ نہیں کرتا۔ حکومت کسی ایک شق کی طرف اشارہ نہیں کر سکتی جو ان مسائل کو حل کرتی ہو اس سے صرف وقف انتظامیہ خراب ہوتی ہے۔

اس موقع پر امیر جماعت نے میڈیا اداروں کے ذریعہ پھیلائی جا رہی غلط فہمیوں پر بھی تنقید کیا اور کہا کہ اس بل  کے حقیقی اثرات کو عوام کے سامنے غلط طریقے سے پیش کیا جا رہا ہے۔ انہوں نے سیکولر جماعتوں، اپوزیشن لیڈروں، اور این ڈی اے کے اتحادیوں پر زور دیا کہ وہ اس بل کی مزاحمت کریں، ان میں سے کچھ پر حکمران بھارتیہ جنتا پارٹی (بی جے پی) کے سیاسی دباؤ کے سامنے جھکنے کا الزام لگایا۔ انہوں نے کہا کہ یہ مایوس کن ہے کہ سیکولر ہونے کا دعویٰ کرنے کے باوجود کچھ پارٹیوں نے اس کی حمایت کا  فیصلہ کیا ہے۔ "انہیں فرقہ وارانہ سیاست میں حصہ نہیں لینا چاہیے، اور اگر وہ اس بل کی مخالفت کرنے میں ناکام رہے تو تاریخ ان کی غداری کو یاد رکھے گی۔

انہوں نے اس بات کا اعادہ کیا کہ وقف املاک مذہبی اوقاف ہیں نہ کہ سرکاری اثاثے، اور وقف املاک کی حکمرانی کو کمزور کرنے اور ریاستی کنٹرول کو بڑھانے کی کوئی بھی کوشش ناقابل قبول ہوگی۔ انہوں نے خبردار کیا کہ اگر یہ بل غیر جمہوری طریقے سے منظور کیا گیا تو یہ آل انڈیا مسلم پرسنل لا بورڈ (اے آئی ایم پی ایل بی) اور دیگر مسلم تنظیموں کی قیادت میں ملک بھر میں احتجاج کا باعث بنے گا۔ انہوں نے کہا کہ ہم اس قانون کو تمام آئینی، قانونی، جمہوری اور پرامن طریقوں سے چیلنج کریں گے۔ اس ناانصافی کے خلاف جدوجہد اس وقت تک جاری رہے گی جب تک کمیونٹی کے حقوق مکمل طور پر بحال نہیں ہو جاتے۔