نئی دہلی، 14 ستمبر: کورونا وارئس کے بڑھتے معاملات پر وزیر اعظم کو تنقید کا نشانہ بناتے ہوئے کانگریس کے سابق صدر راہل گاندھی نے آج ٹویٹ کرتے ہوئے کہا کہ حکومت نے لوگوں کو ’’آتما نربھر‘‘ بننے کے لیے کہا ہے، جس کا مطلب ہے کہ لوگوں کو اپنی زندگی خود بچانی چاہیے کیوں کہ وزیر اعظم ’’مور کے ساتھ مصروف‘‘ ہیں۔
گاندھی نے کوویڈ بحران سے نمٹنے پر حکومت کی تنقید کی ہے اور اس صورت حال سے نمٹنے میں ناکام ہونے کا الزام عائد کیا ہے۔
ایک ٹویٹ میں گاندھی نے کہا کہ ’’کورونا وائرس کے معاملات اس ہفتے 50 لاکھ کو عبور کر جائیں گے اور فعال معاملات 10 لاکھ سے تجاوز کر جائیں گے۔‘‘
انھوں نے ہندی میں ٹویٹ کرتے ہوئے کہا ’’غیر منصوبہ بند لاک ڈاؤن ایک شخص کی انا کا نتیجہ ہے جس کی وجہ سے کورونا وائرس پورے ملک میں پھیل گیا ہے۔ مودی سرکار نے کہا تھا کہ ’’آتما نربھر‘‘ (خود کفیل) بنو، جس کا مطلب ہے کہ اپنی جان خود بچائیں کیوں کہ وزیر اعظم مور کے ساتھ مصروف ہیں۔‘‘
कोरोना संक्रमण के आँकड़े इस हफ़्ते 50 लाख और ऐक्टिव केस 10 लाख पार हो जाएँगे।
अनियोजित लॉकडाउन एक व्यक्ति के अहंकार की देन है जिससे कोरोना देशभर में फैल गया।
मोदी सरकार ने कहा आत्मनिर्भर बनिए यानि अपनी जान ख़ुद ही बचा लीजिए क्योंकि PM मोर के साथ व्यस्त हैं।
— Rahul Gandhi (@RahulGandhi) September 14, 2020
معلوم ہو کہ ہندوستان میں کوویڈ 19 کے معاملات آج 48 لاکھ سے تجاوز کرگئے ہیں اور گذشتہ ایک دن میں92،071 نئے معاملات سامنے آئے ہیں۔
وہیں ہلاکتوں کی تعداد 79،722 ہوگئی ہے۔