نئی دہلی ،17 نومبر :۔
موجودہ حکومت میں صحافیوں کے خلاف کی جا رہی کارروائی پر اب صحافی برادری نے سنجیدگی کا مظاہرہ کرتے ہوئے بے جا صحافیوں کی گرفتاری پر انہیں قانونی امداد فراہم کرنے کا فیصلہ کیا ہے ۔چنانچہ اس سلسلے میں پریس کلب آف انڈیا میں ایک پروگرام کا انعقاد کر کے صحافیوں کی مدد کے لئے لیگل سیل کے قیام کا اعلان کیا گیا ہے ۔
اس سلسلے میں پریس کلب آف انڈیا کے تعاون سے ایکریڈیٹیڈ جرنلسٹس ایسوسی ایشن کے زیر اہتمام ’انڈیا میں میڈیا کی آزادی‘ کے موضوع پر سیمینار کا انعقاد کیا گیا ۔ سیمینار سے خطاب کرتے ہوئے ایڈیٹرس گلڈ آف انڈیا کے صدر اننت ناتھ نے کہا کہ نیشنل پریس ڈے پر، پریس کلب آف انڈیا نے ایک لیگل سیل کے قیام کا اعلان کیا، جس کا مقصد ان صحافیوں کو قانونی مدد فراہم کرنا ہے جو ملک بھر میں حکمرانوں کے ہاتھوں ہراساں ہیں۔ناتھ نے صحافتی برادری کی حمایت کے عزم کو سراہتے ہوئے پریس کلب کے فعال قدم کی تعریف کی۔
اس موقع پر انہوں نے اعلان کیا کہ ’ایڈیٹرس گلڈ آف انڈیا اس اقدام میں پریس کلب کی حمایت کرے گا۔ہمیں ایک دوسرے کے شانہ بشانہ کھڑے ہونے کی ضرورت ہے، اس موقع پر دی وائر کے بانی ایڈیٹر کا کہنا تھا کہ ہمیں پریس پر حملوں کی اجازت نہیں دینی چاہئے اور ان کو چیلنج نہیں کرنا چاہئے، اور اگر آپ عدالت میں جائیں گے اور انہیں چیلنج کریں گے تو صورتحال مزید خراب ہوگی۔
لیگل سیل کا اقدام ملک بھر میں صحافیوں کو فائدہ پہنچانے کے لیے تیار ہے، ایسے معاملات میں قانونی مدد کی پیشکش کرتا ہے جہاں صحافیوں کو اپنے صحافتی فرائض کی انجام دہی کے دوران حکام کی طرف سے ہراساں کیا جاتا ہے۔ اس سیل کا مقصد اس بات کو یقینی بنانا ہے کہ اگر صحافیوں کو اپنی پیشہ ورانہ ذمہ داریوں کی انجام دہی میں حکام کی جانب سے رکاوٹوں یا دھمکیوں کا سامنا کرنا پڑتا ہے تو انہیں قانونی مدد حاصل ہو۔ایڈیٹرز گلڈ اور پریس کلب کےدرمیان تعاون کو میڈیا برادری کے اندر تعاون اور یکجہتی کو فروغ دینے کی جانب ایک مثبت اقدام کے طور پر دیکھا جاتا ہے۔