میں نے پورا قرآن حرف بہ حرف پڑھا، یہ آئینے کی طرف شفاف ہے: ول اسمتھ

ریاض ،18مارچ :۔

ہالی ووڈ کے معروف اداکارکا ایک پوڈ کاسٹ ویڈیو سرخیوں میں ہے۔اس میں انہوں نے اپنے روحانی جذبات اور مذہبی خیالات کا اظہار کیا ہے۔قرآن ،بائبل اور دیگر مذاہب کے کتب کے بارے میں اپنے خیالات کا اظہار کر ہرے ہیں۔خیال رہے کہ ول اسمتھ ہالی ووڈ کے معروف ادا کار ہیں ۔گزشتہ دو سال قبل 2022 میں اس وقت وہ دنیا میں سرخیوں میں آئے تھے جب آسکر ایوارڈ کی تقریب کے دوران انہوں نے اپنی اہلیہ پر نامناسب تبصرہ کرنے پر ایک کامیڈین کو اسٹیج پر ہی تھپڑ رسید کر دیا تھا۔

العربیہ کی رپورٹ کے مطابق ول اسمتھ نے ’شاہد‘ پلیٹ فارم پر ’بگ ٹائم پوڈ کاسٹ‘ پروگرام کے ذریعے صحافی عمرو ادیب کو انٹرویو دیتے ہوئے حیران کن انکشافات کیے ہیں۔ انہوں بتایا کہ رمضان کے مہینے میں انہوں نے پورا قرآن پڑھا تھا۔

ایک سوال کے جواب میں انہوں نے کہا کہ "میں روحانیت سے محبت کرتا ہوں”۔ اسمتھ نے کہا کہ اس کی زندگی کے پچھلے دو سال مشکل تھے۔ اس دوران انہوں نے اپنے باطن کے بارے میں سوچنا شروع کیا۔ انہوں نے نشاندہی کی کہ اس عرصے میں انہوں نے قرآن پاک سمیت تمام مقدس کتابیں پڑھیں۔ "میں نے اس سال رمضان کے مہینے میں قرآن کو مکمل طور پڑھا ۔

انہوں نے مزید کہا کہ یہ "میری زندگی میں روحانیت کی تلاش تھی۔ یہ میری زندگی کا وہ دور تھا جب میں اپنے دل کو زیادہ سے زیادہ وسعت دینا چاہتا تھا تاکہ میں زیادہ سے زیادہ لوگوں پر مشتمل ہو سکوں۔‘‘ ول اسمتھ نے قرآن کے معانی کے بارے میں بھی بات کی اور موسیٰ (علیہ السلام) کی کہانی نے انہیں کس طرح متاثر کیا۔-

جب ان سے پوچھا گیا کہ انہوں نے پورا قرآن پڑھنے سے کیا دریافت کیا تو ہالی ووڈ اسٹار نے انکشاف کیا کہ قرآن میں حضرت موسیٰ (علیہ السلام) کا جتنی بار تذکرہ ہوا ہے اس سے وہ حیران رہ گئے۔ یہ دلچسپ بات ہے۔مجھے اس کی کہانی اور تجربے نے بہت متاثر کیا۔

انہوں نے مزید کہا کہ "میں سادگی سے متاثر ہوا۔ قرآن سادہ ہے اور اس میں چیزیں شیشے کی طرح بالکل واضح ہیں۔ اسے پڑھنے کے بعد کوئی غلط فہمی نہیں رہتی”۔ صحافی عمرو ادیب نے تبصرہ کرتے ہوئے کہا کہ ’’ایسے لوگ ہیں جو اسے غلط سمجھتے ہیں‘‘ تو انہوں نے کہا کہ قرآن کو گہرائی سے پڑھیں تو غلط فہمیاں دور ہوجاتی ہیں۔ول اسمتھ نے تمام مقدس آسمانی کتابوں کے مطالعےکا حوالہ دیا۔ انہوں نے کہا کہ سب کچھ تورات، بائبل اور قرآن تک ایک کہانی کی طرح لگتا ہے۔ ان کے درمیان تعلق نہیں ٹوٹا”۔انہوں نے کہا کہ ابراہیم علیہ السلام انبیاء کے والد ہیں۔ ان کی نسل سے اسماعیل اور اسحاق (علیہما السلام) آئے۔ وہ اس سلسلہ نبوت کی پوری تصویر سمجھ کر خوش ہوا۔