‘مسلمان ہونے کی سزا: جھارکھنڈ کے کوڈرما میں امام کا پیٹ پیٹ کر قتل
بائک کی ٹکر سے معمولی زخمی خاتون کے منع کرنے کے باوجود متشدد ہجوم نے بنایا نشانہ ،پولیس نے 'لنچنگ' کے الزامات کی تردید کی
نئی دہلی ،02 جولائی :۔
18 رہویں لوک سبھا الیکشن کے نتائج کے بعد پورے ملک میں مسلمانوں کے خلاف تشدد اور ماب لنچنگ میں اضافہ درج کیا گیا ہے۔ آئے دن کسی نہ کسی بہانے مسلمانوں کو نشانہ بنایا جا رہاہے۔تازہ معاملہ اب جھارکھنڈ کے کوڈرما ضلع میں راگھونیاڈیہہ میں پیش آیا ہے جہاں ایک امام مولانا شہاب الدین کو موٹر سائیکل پر گھر لوٹتے ہوئے ہجوم نے پیٹ پیٹ کر مار ڈالا۔ ہجوم نے ان پر الزام لگایا کہ انہوں نے سڑک پر ایک عورت کو ٹکر مار دیا تھا۔
شہاب الدین کے بیٹے محمد پرویز عالم نے بتایا کہ ان کے والد، جو ایک امام کے طور پر کام کرتے تھے اور ضلع برکدہ، ہزاری باغ میں بچوں کو پڑھاتے تھے، 30 جون 2024 کو صبح 8 بجے کے قریب بسراؤ سے اپنے دو پہیہ گاڑی (ر پر بنی چوڑیا کے لیے گھر واپس آ رہے تھے۔ گٹھڑی کریا کے قریب، شہاب الدین کی بائک کو مبینہ طور پر ایک آٹو سے ہوئی ٹکر میں انیتا دیوی، جو کھٹھاری کار کی رہنے والی تھی، کے ہاتھ اور ناک پر چوٹیں آئیں۔
انیتا دیوی کے شوہر مہیندر چاڈ و اور ان کے بہنوئی رام دیو یادو، دیگر مقامی باشندوں اور قریبی کرکٹ کھیلنے والے لڑکے جائے وقوعہ پر جمع ہو گئے۔ انیتا دیوی نے مبینہ طور پر ہجوم سے شہاب الدین کو نہ مارنے کی درخواست کرنے کے باوجود، وہ اس پر حملہ کرتے رہے، اسے لاٹھیوں اور ڈنڈے سے پیٹتے رہے۔
پرویز عالم نے کہا کہ "اس کی ناک سے خون بہہ رہا تھا، لیکن اسے کوئی بیرونی زخم نہیں تھا، یہ زیادہ تر ممکنہ طور پر اندرونی خون تھا۔ ہم چاہتے ہیں کہ حکام اس معاملے کی تحقیقات کریں ۔
آل انڈیا مجلس اتحاد المسلمین (اے آئی ایم آئی ایم) سے وابستہ ایک مقامی رہنما سورج داس نے کہا، ’’موٹر سائیکل سے ٹکرانے والی خاتون ہجوم سے مولانا کو نہ مارنے کی درخواست کر رہی تھی، لیکن وہ اسے مارتے رہے۔ عورت شدید زخمی نہیں تھی، لیکن ہجوم نے اسے اس لیے مارا کہ وہ مسلمان تھا، انہوں نے شاید اسے ٹوپی اور داڑھی پہنے دیکھا تھا۔
دریں اثنا، پولیس نے ہجومی تشدد کے الزامات کو مسترد کرتے ہوئے کہا ہے کہ وہ مولانا شہاب الدین کے حادثے کا شکار ہونے کے بعد جائے وقوعہ پر پہنچے تھے اور ان سے خون بہہ رہا تھا۔
ایک پولیس افسر نے بتایا کہ انہوں نے بتایا کہ ہم نے اسے پولیس کی گاڑی میں اسپتال پہنچایا، جہاں وہ بعد میں زخموں کی تاب نہ لاتے ہوئے چل بسا۔ اس کی لاش کو پوسٹ مارٹم کے لیے بھیج دیا گیا ۔