مدھیہ پردیش سیاسی بحران: جیوترادتیہ سندھیا نے بی جے پی میں شمولیت اختیار کی، مدھیہ پردیش سے بی جے پی کے راجیہ سبھا ممبر کے لیے نامزد

نئی دہلی، مارچ 11: بدھ کے روز بی جے پی میں شامل ہونے کے فوراً بعد ہی مدھیہ پردیش سے راجیہ سبھا کے دو امیدواروں میں سے ایک کے طور پر جیوتراتیہ سندھیا کو نامزد کیا گیا ہے۔

مدھیہ پردیش کے لیے راجیہ سبھا کی تین نشستوں کے لیے انتخابات 26 مارچ کو ہونے جارہے ہیں۔ مدھیہ پردیش میں راجیہ سبھا کی 11 نشستیں ہیں لیکن تین خالی ہوگئی ہیں۔

ریاستی اسمبلی میں اپنی موجودہ طاقت کے ساتھ کانگریس اور بی جے پی کو پہلی ترجیح کے ووٹوں کے ساتھ راجیہ سبھا میں سے ایک ایک نشست ملنے جا رہی ہے۔ لڑائی تیسری نشست پر ہوگی۔

سندھیا، جو 2019 کے لوک سبھا انتخابات ہار گئے تھے، کانگریس کی طرف سے پہلی راجیہ سبھا کی پہلی ترجیحی نشست کے لیے نامزدگی چاہتے تھے۔ تاہم اس سے انکار کیا گیا کیوں کہ وزیر اعلی کمل ناتھ نے ان کی سخت مخالفت کی تھی۔

اس کے نتیجے میں سندھیا نے بی جے پی کے ساتھ رابطے کے دروازے کھول دیے جو ایم پی حکومت کو غیر مستحکم کرنے کا موقع ڈھونڈ رہی تھی۔

دریں اثنا اطلاعات کے مطابق سندھیا کے وفادار 10 اراکین اسمبلی اور دو وزرا جنھیں پیر کے روز چارٹرڈ پلین سے بنگلور روانہ کردیے گئے تھے، بی جے پی میں شامل ہونے کو تیار نہیں ہیں۔

ممبران اسمبلی نے مبینہ طور پر آج کہا کہ وہ بی جے پی میں شامل ہونے کے لیے نہیں، بلکہ ہندستان کے لیے آئے ہیں۔

وہیں دہلی کے قریب مانیسر کے ایک ہوٹل میں بی جے پی نے اپنے 106 ممبران اسمبلی کو پناہ دی ہے، کانگریس نے مزید بغاوت سے بچنے کے لیے اپنے ممبران اسمبلی کو جے پور کے ایک ہوٹل میں منتقل کردیا ہے۔ کانگریس کے 22 باغی ممبران نے ریاستی اسمبلی کی رکنیت سے استعفی دے دیا ہے، ان میں سے 17 بنگلور میں ہیں۔